ម្រេចខ្មៅគឺជាគ្រឿងទេស ដែលគេនិយមប្រើជាគ្រឿងផ្សំមុខម្ហូប ដើម្បីបន្ថែមឱជារសឱ្យ កាន់តែឆា្ងញ់ពិសា។
ម្រេចខ្មៅមានអត្ថប្រយោជន៍ល្អបំផុតសុខភាព ដោយសារ តែ វាមាន ផ្ទុកនូវសារធាតុចិញ្ចឹម និង វីតាមីនជាច្រើន ដូចជា៖ ជាតិដែក ប៉ូតាស្យូម កាល់ស្យូម ម៉ង់ហ្គាណែ ស័ង្កសី សារធាតុ Chromium វីតាមីន A និង C និង សារធាតុចិញ្ចឹមដទៃទៀត។
ដោយសារម្រេចខ្មៅមានសារធាតុមានប្រយោជន៍ទាំងអស់នេះ ទើបក្រៅពីវាជាគ្រឿងបន្ថែមរសជាតិមុខម្ហូបហើយ អ្នកក៏អាចប្រើប្រាស់ម្រេចខ្មៅដើម្បីដោះស្រាយបញ្ហាមួយចំនួនដូចខាងក្រោមបានដែរ៖
បញ្ហាមុខកើតមុន៖ លាយម្រេចខ្មៅ ១ស្លាបព្រាកាហ្វេ ជាមួយនឹងទឹកដោះគោជូរ៣ ស្លាបព្រាកាហ្វេ។ ច្រោះអោយស្អាតយកតែមួយស្លាបព្រាកាហ្វេបានហើយ ។ បន្ទាប់មកលាបនៅលើស្បែកមុនរបស់អ្នកប្រហែលជា ១០នាទី រួចលាងចម្រេះជាមួយទឹកស្អាតចេញ ។ អនុវត្តបែបនេះ២សប្តាហ៍ម្តងវាអាចជួយ ព្យាបាល មុខកើតមុននិងធ្វើឲ្យផ្ទៃមុនស្រស់ស្អាតយ៉ាងឆាប់រហ័ស។
មុខមានអាចម៍រុយ៖ ម្រេចខ្មៅរួមចំណែកដល់ការជំរុញចរាចរឈាមនិងសារធាតុចិញ្ចឹមដល់កោសិកាស្បែកនៅលើផ្ទៃមុខ។ នេះអាចចាត់ទុកថាជាវិធីសាស្ត្រដល់ល្អក្នុងការជួយ ថែរក្សាស្បែក និងជួយការពារពីកាំរស្មើយ៉ាងមានប្រសិទ្ធភាព។ យកស្ករត្នោត ១ស្លាបព្រាកាហ្វេលាយជាមួយម្រេច ១ ស្លាបព្រាកាហ្វេបន្ថែមប្រេងលាប ស្បែកពីរបីកំណត់លាយឲ្យសព្វ ហើយចាប់ផ្តើមលាបលើស្បែកមុខ។ ការប្រើវិធីបែបនេះជួយអោយកែជួសជុលស្បែកដែលធ្លាប់តែមាន ពណ៌ជាំខ្មៅឲ្យ ទៅជាភ្លឺថ្លារហូត ឲ្យតែអ្នកអនុវត្តបានខ្ជាប់ខ្ជួន។
អង្គែ និង ការរលាកស្បែកក្បាល៖ ម្រេចនិងក្រូចឆ្មារអាចបង្កើតប្រសិទ្ធិភាពយ៉ាងខ្លាំងក្នុងការព្យាបាលបញ្ហាស្បែកក្បាលមានដូចជា អង្គែ បញ្ហារលាកស្បែកក្បាល និងជ្រុះសក់ជាដើម។ លាយម្រេច ១ស្លាបព្រាកាហ្វេជាមួយនឹងទឹកក្រូចឆ្មាចំនួន ១ ពែងកន្លះកូរអោយសព្វ។
សូមលាងសម្អាតសក់អោយបានស្អាត រួចលាបល្បាយនេះអោយសព្វនៅលើស្បែកក្បាលទុកចោលប្រមាណ៥ទៅ១០នាទី បន្ទាប់មកលាងទឹកចេញវិញ។ ល្បាយនៃសារធាតុម្រេចនិងក្រូចឆ្មានេះអាច នាំមកនូវលទ្ធផលដ៏ល្អសម្រាប់សុខភាពស្បែកក្បាល៕
