មែនហើយ ក្រៅពីការធ្វើលំហាត់ប្រាណនិងរបបអាហារហើយ លោកអ្នកមិនគួររំលងភេសជ្ជៈដែលមានកាឡូរីទាបនោះទេ។
វាពិតជាសំខាន់ណាស់ នៅពេលអ្នកថែរក្សារាងតែអ្នកមិនបានពិនិត្យឲ្យម៉ត់ចត់ក្នុងការទទួលទានភេសជ្ជៈឲ្យបានត្រឹមត្រូវ ហេតុដូចនេះប្រសិនបើអ្នកចង់បានសុខភាពល្អនិងជំនួយក្នុងការបញ្ចុះទម្ងន់នោះគួរទទួលទានភេសជ្ជៈខាងក្រោម៖
ទឹកទំពាំងបាយជូរ៖ ទឹកទំពាំងបាយជូរមានផ្ទុកសារធាតុស្ករទាបដែលជួយក្នុងការសម្រកទម្ងន់បាន។ នៅក្នុងទឹកទំពាំងបាយជូរមានផ្ទុកសារធាតុប្រឆាំងអុកស៊ីកម្មជួយប្រឆាំងទៅដល់ជាតិស្ករនិងលីពីតបានផងដែរ។
ទឹកដោះគោមានជាតិខ្លាញ់ទាប៖ បើអ្នកចេះជ្រើសរើសទឹកដោះគោដែលមានសារធាតុធាត់ទាបនោះវាមិនបណ្តាលអោយធាត់ទេហើយវាក៏ជួយអ្នករក្សារាងស្រស់ស្អាតនិងគេងលក់ស្រួល ជួសជុលសាច់ដុំ និងជម្រុញដល់មេតាប៉ូលីសទៀតផង។ អ្នកគួរតែជ្រើសរើសយកទឹកដោះគោណាដែលមិនមានដាក់សារធាតុពណ៌ឬផ្ទុកជាតិស្ករមកទទួលទាន។
ទឹកសណ្តែក៖ ក្រៅពីទឹកដោះគោ អ្នកក៏អាចទទួលទានទឹកសណ្តែកបានដែរ ពិសេសអ្នកមានការប្រតិកម្មជាមួយទឹកដោះគោ។ នៅក្នុងទឹកសណ្តែកគឺសំបូរទៅដោយវីតាមីន B12 ដែលវាជួយដុតបំផ្លាញជាតិខ្លាញ់និងជួយដល់រាងកាយ។
តែ Chamomile៖ មិនខុសពីភេសជ្ជៈខាងលើទេ តែប្រភេទនេះវាពិតជាជួយអ្នកក្នុងការសម្រកទម្ងន់បានមែនដោយវាជួយដុតបំផ្លាញជាតិខ្លាញ់និងជួយធ្វើឲ្យចិត្តស្ងប់ស្ងាត់បានទៀតផង។
ចូរអ្នកព្យាយាមក្នុងទទួលទានវានៅពេលយប់មុនចូលគេងដើម្បីទទួលបានលទ្ធផលល្អ។ លើសពីនេះ តែប្រភេទនេះក៏ជួយអ្នកក្នុងការបណ្តេញជាតិពុលពីរាងកាយផងដែរ៕
