Alisson Becker បានចាប់ផ្ដើមហ្វឹកហាត់តិចៗវិញជាមួយគ្រូបង្វឹករបស់ខ្លួន និងរំពឹងវិលមកកាន់ទីលានវិញនៅចុងខែកញ្ញា ឬដើមខែតុលាខាងមុខ។កីឡាករវ័យ២៧ឆ្នាំ បានសម្រាកព្យាបាលរបួសជិត២ខែមកហើយ ក្រោយមានបញ្ហាសាច់ដុំភ្លៅក្នុងការប្រកួតដែល Livepool បានយកឈ្នះ Norwich City ៤-១ នៅថ្ងៃបើកឆាក Premier League។ Alisson ទើបឈ្នះពានអ្នកចាំទីឆ្នើមនៅ Champions League កាលពីពេលថ្មីៗ។
ម្ចាស់អាវលេខ១នៅហង្សក្រហមរូបនេះក៏ជាបេក្ខភាពប្រជែងពាន អ្នកចាំទីឆ្នើមរបស់ពិភពលោក FIFA Best ផងដែរ ហើយរូបគេមានភាគរយឈ្នះខ្ពស់បំផុត ក្រោយបានស្រោមដៃមាស៣កាលពីរដូវកាលមុន។
អំឡុងអវត្តមាន Alisson ក្រុម Liverpool បានដាក់អ្នកចាំទីដៃទីពីរ Adrian ឲ្យលេងជំនួស។ ៥ប្រកួតកន្លងមកក្រោមដៃអ្នកចាំទីថ្មី ក្លឹបមានមូលដ្ឋាននៅ Anfield ឈ្នះទាំង៥ និងលើកពាន UEFA Super Cup ១ផង៕
