សួតរបស់យើងគឺមានតួនាទីសំខាន់ក្នុងការដកដង្ហើម ដើម្បីទ្រទ្រង់ជីវិត។ ប៉ុន្តែសួតអាចនឹងស្រូបយកសារធាតុមិនល្អមួយចំនួនពីក្នុងខ្យល់ដែលអាចបង្កើនហានិភ័យបញ្ហាផ្លូវដង្ហើមដូចជាជំងឺហឺត រលាកទងសួត និងជំងឺរលាកសួតជាដើម។
វិធីល្អក្នុងការរក្សារសុខភាពសួតឲ្យរឹងមាំគឺហាត់ប្រាណ និងញ៉ាំអាហារដែលមានសុខភាព។ ដូចនេះដើម្បីពង្រឹងសុខភាពសួត យើងគួរបញ្ចូលអាហារប៉ុន្មានមុខនេះចូលទៅក្នុងរបបអាហារប្រចាំថ្ងៃ។ តើគួរញ៉ាំអាហារអ្វីខ្លះ ទើបជួយសម្អាតសួតឲ្យមានសុខភាពល្អ? ខាងក្រោមនេះជាអាហារដែលអាចជួយសម្រួលដល់សុខភាពសួតរបស់លោកអ្នក៖
ខ្ទឹមស : ខ្ទឹមសអាចប្រយុទ្ធប្រឆាំង នឹងការរលាក ព្រមទាំងការឆ្លងមេរោគដោយសារ តែវាមានសារធាតុអាឡិចស៊ីនកំរិតខ្ពស់ សារធាតុនេះអាចបំផ្លាញរ៉ាឌីកាល់សេរី និងរួមចំណែកកែលំអ ជម្ងឺហឺត មហារីក និងសួត។
ផ្លែប៉ោម : ផ្លែប៉ោមសំបូរទៅដោយសារធាតុចិញ្ចឹម និងវីតាមីន ដែលជួយពង្រឹងដល់មុខងារផ្លូវដង្ហើម ហើយទប់ស្កាត់នៃការវិវត្តន៍របស់ជំងឺមហារីកសួត។
ម្ទេស : ម្ទេសផ្ទុកទៅដោយវីតាមីនA និងវីតាមីនC ជួយពង្រឹងប្រព័ន្ធភាពស៊ាំរបស់រាងកាយ ប្រយុទ្ធប្រឆាំងនឹងការឆ្លងមេរោគ ជាពិសេសអ្នកដែលចូលចិត្តទទួលទានម្ទេស នឹងជួយឲ្យសួតមានសុខភាពល្អ។
ក្រូចថ្លុង : ក្រូចថ្លុងជាផ្លែឈើល្អបំផុតសម្រាប់សុខភាពសួត ព្រោះវាមានផ្ទុកសារធាតុរ៉ែ និងវីតាមីនយ៉ាងច្រើន អ្នកជំនាញខាងផ្នែកសុខភាពបានមានប្រសាសថា សាធាតុផ្លាវីនុល នៅក្នុងផ្លែឈើនេះ ពិតជាល្អខ្លាំងណាស់សម្រាប់សម្អាតសួត ដែលរងផលប៉ះពាល់ដោយសារតែជំងឺមហារីក។
ខ្ញី៖ ខ្ញីមិនត្រឹមតែប្រឆាំងការរលាកទេ នៅអាចជួយកម្ចាត់ជាតិពុលចេញពីក្នុងសួត។ ខ្ញីក៏ជួយបន្ធូរដល់ការស្ទះផ្លូវដង្ហើម និងជួយឲ្យឈាមរត់ទៅកាន់សួតកាន់តែប្រសើរឡើង និងជួយពង្រឹងសុខភាពសួត។
គ្រាប់ Walnut៖ គ្រាប់ Walnut ជាប្រភពដ៏ល្អសម្រាប់អាស៊ីតខ្លាញ់អូមេហ្គា៣។ ការញ៉ាំគ្រាប់ធញ្ញជាតិនេះអាចជួយប្រឆាំងជំងឺហឺត និងបញ្ហាផ្លូវដង្ហើមផ្សេងទៀត។ អ្នកស្រាវជ្រាវជឿថាអាស៊ីតខ្លាញ់អូមេហ្គា៣ជាសារធាតុប្រឆាំងការរលាកដែលមានប្រសិទ្ធភាពក្នុងការការពារជំងឺរលាក។
ផ្កាខាត់ណាខៀវ៖ វាសំបូរដោយវីតាមីន C Carotenoids Folate និង Phytochemicals ដែលជួយប្រឆាំងនឹងការខូចខាតនៅក្នុងសួត។ ផ្កាខាត់ណាខៀវក៏មានសារធាតុ L-Sulforaphane ដែលជួយភ្ញោចកោសិកាក្នុងផលិតហ្សែនប្រឆាំងនឹងការរលាកដើម្បីចៀសវាងបញ្ហាផ្លូវដង្ហើមផ្សេងៗ៕