ការទទួលទានទឹកបន្លែផ្លែឈើដែលយកមកច្របាច់គាបយកតែទឹក ឬក្រឡុកនោះគឺមានសារធាតុចិញ្ចឹមខ្ពស់ ហើយជួយបន្ថែមកង្វះខាតនូវសារធាតុចិញ្ចឹមសំខាន់ៗផ្សេងៗក្នុងរាងកាយ។
ទោះបីយ៉ាងណាមនុស្សភាគច្រើន មិនសូវចូលចិត្តទឹកបន្លែទៅវិញ។ បើអ្នកទទួលទានទឹកបន្លែខាងក្រោមនេះ អ្នកនឹងទទួលបាននូវអត្តប្រយោជន៍ និងគុណសម្បត្តិល្អនឹកស្មានមិនដល់។
ទឹកបន្លែប៉ុន្មានប្រភេទខាងក្រោមនេះ មិនត្រឹមតែផ្ដល់សារធាតុចិញ្ចឹមនោះទេ តែក៏ជួយទប់ស្កាត់នូវជំងឺជាច្រើនទៀតផងដែរ៖
ទឹកប្រទាលកន្ទុយក្រពើ៖ ប្រទាលកន្ទុយក្រពើ ជួយបង្ការជំងឺរលាកថ្លើម មហារីក ផ្ដាសាយ ព្យាបាលដំបៅក្រពះ និងជួយជាតិពុលពីរាងកាយ។ អ្នកអាចធ្វើវាបានដោយត្រូវមានស្លឹកប្រទាលកន្ទុយក្រពើ ១ធាងតូច ទឹក ២ពែង ស្ករស ៤ស្លាបព្រាបាយ។ ដាក់សាច់ប្រទាលកន្ទុយក្រពើស្ងោរឱ្យពុះរយៈពេល ១៥-២០នាទី ដាក់ស្ករចូលរហូតដល់ពុះម្ដងទៀត បិទភ្លើងឲ្យត្រជាក់ រួចលោកអ្នកអាចទទួលទានបាន។
ទឹកសូដាជីរអង្កាម៖ ជីរអង្កាមសម្បូរជាតិកាល់ស្យូម ផូស្វ័រ វីតាមីន C វីតាមីន A ច្រើនជាពិសេសអាចជួយភ្នែក ជំនួយបេះដូង ក្រៅពីនោះក្លិនក្រអូបឈ្ងុយរបស់ជីរអង្កាមជាប្រេងក្រអូបឆួល ព្យាបាលជំងឺឈឺក្បាល និងជំងឺផ្ដាសាយ។ អ្នកអាចធ្វើវាបានដោយត្រូវមានគ្រឿងផ្សំដូចជា ទឹកស៊ីរ៉ូប៍ ១/៤ ពែង ទឹកក្រូចឆ្មារ ១ស្លាបព្រាបាយ ស្លឹកជីរអង្កាម ១ ១/៤ ពែង ក្រូចឆ្មារបេះជាកំពឹស ៦កំពឹស ទឹកសូដា និងទឹកកកដុំ។
ទឹកការ៉ុត៖ ទឹកការ៉ុតជំនួយភ្នែក និងពណ៌ស្បែកបានយ៉ាងល្អ ព្រមទាំងជួយដល់ថ្លើមបណ្ដេញជាតិពុលចេញពីរាងកាយបានយ៉ាងល្អ។ ព្រមទាំងការពារជំងឺមហារីកផ្សេងៗដូចជា មហារីកសួត មហារីកបំពង់សម្លេង មហារីកក្រពះ មហារីកពោះ។ អ្នកអាចធ្វើវាបានដោយគ្រាន់តែលាង លាងការ៉ុតឱ្យស្អាត ចិត្តសំបកហាន់ជាកង់ៗ រួចក្រឡុកលាយគ្នាជាមួយទឹកដោះគោស្រស់ជាការស្រេច៕