ការថែរក្សាស្បែកដោយវិធីធម្មជាតិ ត្បិតតែត្រូវការប្រើពេលយូរបន្តិចក្នុងការទទួលបានលទ្ធផល ប៉ុន្តែវាមានប្រសិទ្ធភាពបានយូរ និងមិនធ្វើប៉ះពាល់ដល់សុខភាពស្បែក ដូចជាការប្រើប្រាស់ផលិតផលមានជាតិគីមី។
ខាងក្រោមនេះដែរជាវិធីខាត់ស្បែកងាយៗ សម្រាប់យកទៅអនុវត្តបានដោយខ្លួនឯង។
គ្រឿងផ្សំដែលអ្នកត្រូវការមាន៖
អំពិលទុំដែលយកគ្រាប់ចេញប្រមាណកន្លះកូនចានចង្កឹះ
ទឹកដោះគោស្រស់
ការអនុវត្តន៍៖ យកអំពិលទុំមកច្របាច់លាយចូលគ្នាជាមួយទឹកដោះគោស្រស់ឲ្យរាងខាប់ល្មម បន្ទាប់មកទៀតអាចយកវាមកដុះខាត់លើស្បែក ដោយប្រើដៃ ឬប្រើជាមួយក្រូចពោធិ៍សាត់កាន់តែល្អ។ ទុកចោលពី ១៥ ទៅ២០ នាទី ចាំអ្នកលាងទឹកចេញ។
អ្នកអាចអនុវត្តវិធីនេះ ១ ទៅ ២ ដង ក្នុងមួយសប្តាហ៍ ហើយនឹងឃើញថាស្បែកមានសភាពទន់ និងភ្លឺតាំងពីការដុះខាត់លើកដំបូង។
ចំពោះគ្រឿងផ្សំដែលធ្វើឲ្យស្បែកស អាចបណ្ដាលឲ្យស្បែកមានសភាពស្ងួតបន្តិច ដូច្នេះអ្នកគួរជ្រើសប្រើប្រភេទឡេណាដែលជួយផ្តល់សំណើមក្រោយពីខាត់រួច៕
