ថ្លើម គឺជាសរីរាង្គដ៏សំខាន់មួយនៅក្នុងរាងកាយ។ ថ្លើមមានមុខងារយ៉ាងច្រើន ដែលរួមមាន ការបន្សាបជាតិពុល ការសំយោគប្រូតេអ៊ីន និងការផលិតសារធាតុគីមីជីវសាស្ត្រដែលចាំបាច់សម្រាប់រំលាយអាហារ។ ថ្លើមគឺជាសរីរាង្គដ៏ចាំបាច់មិនអាចខ្វះបានសម្រាប់ការរស់រាន។រ។ ថ្លើមដើរតួនាទីយ៉ាងសំខាន់ក្នុងដំណើរមេតាបូលីស និងមានមុខងារជាច្រើននៅក្នុងរាងកាយ ដូចជាការស្ដុកទុកគ្លីកូសែន ការបំបែកសមាសធាតុរបស់កោសិកាឈាមក្រហម ការសំយោគប្លាស្មាប្រូតេអ៊ីន ការផលិតអ័រម៉ូន និងការបន្សាបជាតិពុលជាដើម។
ថ្លើមមានទីតាំងស្ថិតនៅខាងក្រោមសន្ទះទ្រូងនៃពោះ។ វាផលិតនូវទឹកប្រមាត់ ដែលជាសមាសធាតុអាល់កាឡាំងមួយប្រភេទជួយដល់ការរំលាយអាហារ តាមរយៈការពង្រាវជាតិលីពីត។ ជាលិកាពិសេសរបស់ថ្លើមសម្រួលដល់ប្រតិកម្មសារធាតុគីមីជីវសាស្ត្រកម្រិតខ្ពស់ៗជាច្រើន ដោយរាប់បញ្ចូលទាំងការសំយោគ និងការបំបែកម៉ូលេគុលសាំញ៉ាំតូចៗ ដែលភាគច្រើនគឺត្រូវការយ៉ាងចាំបាច់ដើម្បីឲមុខងារសំខាន់ៗក្នុងរាងកាយមានដំណើរការទៅតាមធម្មតា។ ទោះយ៉ាងណា ប្រសិនបើមានបញ្ហាមិនប្រក្រតី វាក៏នឹងបញ្ចេញសញ្ញានៅលើរាងកាយឱ្យយើងបានដឹង។ ប្រសិនបើអ្នកក្រោកពីគេងនៅពេលព្រឹក ហើយឃើញរោគសញ្ញាទាំង ៥ ខាងក្រោមនេះ អ្នកគួរតែប្រុងប្រយ័ត្ន ចំពោះថ្លើមរបស់អ្នកឱ្យមែនទែន ព្រោះរោគសញ្ញាទាំងនេះបង្ហាញអោយដឹងថា ថ្លើមរបស់អ្នកកំពុង មានបញ្ហាមិនប្រក្រតីហើយ។
ទឹកនោមពណ៌លឿងខ្មៅ៖ ទឹកនោមរបស់មនុស្សដែលមានសុខភាពល្អធម្មតា មានពណ៌លឿងស្រាល ។ ដូច្នេះប្រសិនបើអ្នកផឹកទឹកគ្រប់គ្រាន់ជារៀងរាល់ថ្ងៃ ហើយក្រោកពីដំណេក ហើយបន្ទោរបង់ដោយមានទឹកនោមពណ៌លឿងខ្មៅសូមប្រយ័ត្ន។ ភាគច្រើនថ្លើមរបស់អ្នកកំពុងមានបញ្ហា ដូច្នេះវាប៉ះពាល់ដល់ការរំលាយជាតិប៊ីលីរុយប៊ីន បណ្តាលឱ្យប៊ីលីរុយប៊ីនច្រើនចូលក្នុងឈាម ហើយត្រូវបានបញ្ចេញតាមទឹកនោមច្រើនជាងធម្មតា ដូច្នេះពណ៌ទឹកនោមកាន់តែខ្មៅ។ ទឹកនោមកាន់តែខ្មៅ ការខូចខាតកោសិកាថ្លើមក៏កាន់តែធ្ងន់ធ្ងរ ប្រសិនបើទឹកនោមមានពណ៌លឿង និងល្អក់ខ្លាំងក្នុងរយៈពេលយូរ វាទំនងជាសញ្ញានៃជំងឺថ្លើម។
មានអាការៈជូរចត់ក្នុងមាត់ ៖ មនុស្សជាច្រើនជួបប្រទះនូវភាពល្វីងជូរចត់នៅក្នុងមាត់ នៅពេលដែលពួកគេក្រោកពីដំណេក ដែលបណ្តាលមកពីការបាត់បង់ជាតិទឹកនៅពេលដកដង្ហើម និងបែកញើសពេលកំពុងគេង។ អារម្មណ៍នេះនឹងកាន់តែច្បាស់ ប្រសិនបើអ្នកមានទម្លាប់អាក្រក់ដូចជា ជក់បារី ផឹកស្រា ឬគេងយូរពេក។ប៉ុន្តែប្រសិនបើអ្នកមិនមានទម្លាប់អាក្រក់ ហើយរោគសញ្ញានៃមាត់ជូរមានរយៈពេលយូរសូមប្រយ័ត្ន។ ភាពល្វីងជូរចត់នៅក្នុងមាត់នេះ អាចទាក់ទងទៅនឹងការរំលាយអាហារ ទឹកប្រមាត់ដែលមិនប្រក្រតី និងជារឿងធម្មតានៅក្នុងជំងឺរលាកថ្លើម និងជំងឺរលាកបំពង់ទឹកប្រមាត់។
ឈាមហូរតាមអញ្ចាញធ្មេញនៅពេលព្រឹក៖ មានមូលហេតុជាច្រើននៃការហូរឈាមអញ្ចាញធ្មេញ។ ជាធម្មតានៅពេលអ្នកមានបញ្ហាមាត់ធ្មេញ មូលហេតុផ្សេងទៀតខ្លះទាក់ទងនឹងជំងឺធ្ងន់ធ្ងរ។នៅពេលដែលថ្លើមមានជំងឺ កោសិកាថ្លើមត្រូវបានខូច មុខងាររបស់ថ្លើមក្នុងការផលិតកត្តាកកឈាមមានការថយចុះ បន្ទាប់មកយន្តការនៃការកកឈាមនឹងត្រូវចុះខ្សោយ។ អ្នកដែលមានជំងឺថ្លើម ច្រើនតែឃើញអញ្ចាញធ្មេញហូរឈាម នៅពេលដុសធ្មេញ លាងមុខនៅពេលព្រឹក ពេលខ្លះពួកគេឃើញមានស្នាមប្រឡាក់ឈាមលើអាហារដែលពួកគេខាំទៀតផង។ សញ្ញានៃការហូរឈាម ច្រើនកើតមានចំពោះអ្នកដែលមានជំងឺរលាកថ្លើមរ៉ាំរ៉ៃ ការហូរឈាមចំពោះអ្នកជំងឺរលាកថ្លើមធ្ងន់ធ្ងរ គឺរឹតតែធ្ងន់ធ្ងរ។
ធំអាហារ៖ ប្រសិនបើអ្នកមិនចង់ញុំាអ្វីនៅពេលព្រឹក ហើយអ្នកត្រូវបានអមដោយការក្អួតចង្អោរ អ្នកគួរតែប្រយ័ត្នចំពោះសុខភាពថ្លើមរបស់អ្នក។ ដោយសារតែអង់ស៊ីមមួយចំនួននៅក្នុងថ្លើម ចូលរួមក្នុងដំណើរការរំលាយអាហាររបស់រាងកាយមនុស្ស បន្ទាប់ពីថ្លើមត្រូវបានបំផ្លាញបរិមាណអង់ហ្ស៊ីមនឹងថយចុះ មុខងាររំលាយអាហារក៏ត្រូវបានប៉ះពាល់ផងដែរ ដែលនាំឱ្យមានជំងឺសរសៃប្រសាទ។
ឈឺចុកពោះផ្នែកខាងស្តាំ៖ ថ្លើមដែលមានជំងឺ នឹងធ្វើឱ្យថ្លើមហើម បង្កើនសម្ពាធនៅលើថ្លើម។ អ្នកជំងឺនឹងមានអារម្មណ៍ឈឺចាប់នៅពោះផ្នែកខាងស្តាំខាងលើ នៅពេលដែលថ្លើមចាប់ផ្ដើមមិនប្រក្រតី។ ជាធម្មតា មនុស្សម្នាក់ៗនឹងមានកម្រិតឈឺចាប់ខុសៗគ្នា អ្នកជំងឺខ្លះមានការឈឺចាប់ទូទៅ ស្រអាប់ ឬដូចជាការចាក់ម្ជុលវិទ្យាសាស្ត្រដែលកាន់តែអាក្រក់ទៅ ៗ ជាមួយនឹងសកម្មភាព និងការផ្លាស់ប្តូរ។ នៅពេលគេងផ្អៀងទៅឆ្វេង ការឈឺចាប់មានសភាពស្រាលជាងមុនពេលភ្ញាក់ពីព្រលឹម៕
