ក្រូចថ្លុងក្រៅពីមានរសជាតិផ្អែមឆ្ងាញ់ហើយ ផ្លែឈើប្រភេទនេះក៏សម្បូរទៅដោយវីតាមីន ជាតិរ៉ែ និង សារធាតុប្រឆាំងអ៊ុកស៊ីតកម្មដែលល្អចំពោះសុខភាពទៀតផង។ វាមានផ្ទុកសារធាតុរ៉ែសំខាន់ៗ និងវីតាមីនមួយចំនួន ដូចជា អាស៊ីតស៊ីទ្រិក, ស្ករ, ប៉ូតាស្យូម, ហ្វូសហ្វ័រ, កាល់ស្បូម, ជាតិសរសៃ Fiber, antioxidants និងពពួកវីតាមីន C, A និងB1 ជាដើម។
ដោយឡែក ក្រៅពីសាច់ផ្លៃដែលផ្តល់គុនសម្បត្តិល្អៗ ដល់រាងកាយហើយ សំបករបស់ក្រូចថ្លុងក៏មានប្រយោជន៍ជាច្រើនទៀតផងដែរ។ ជាទូទៅ នៅពេលដែលអ្នកទទួលទានផ្លែក្រូចថ្លុងហើយ អ្នកតែងតែបោះសំបកវាចោល ប៉ុន្តែក្រោយពេលដែលអ្នកអានអត្ថបទនេះរួច អ្នកត្រូវតែរក្សាសំបកក្រូចថ្លុង នោះវានឹងជួយសម្រាលដល់ការរស់នៅរបស់អ្នក។
តើវាអាចជួយអ្នកអ្វីខ្លះទៅ?
ធូបមូស៖ នៅក្រោយសំបកពណ៌បៃតងនៃក្រូចថ្លុងគឺមានសំបកពណ៌ស ដូចនេះអ្នកអាចយកសំបកពណ៌សនោះចិតជារាងសរសៃៗ រួចយកវាទៅហាលថ្ងៃឲ្យស្ងួត បន្ទាប់មកយកមកដុតធ្វើជាធូបមូស នោះមូសនឹងងាប់អស់ ម្យ៉ាងទៀតអ្នកក៏អាចយកវាទៅដាក់ក្នុងថង់ស្បៃមួយ ហើយដាក់ក្នុងទូរខោអាវ វានឹងអាចជួយបំបាត់ក្លិនដូចគ្នា។
ធ្វើឲ្យអារម្មណ៍ស្ងប់៖ អ្នកអាចយកសំបកផ្នែកបៃតងទៅចិតជាបន្ទះតូចៗ រួចដាក់ក្នុងទឹកក្តៅ នោះវានឹងភាយក្លិនចេញមកដែលអាចធ្វើឲ្យអ្នកមានអារម្មណ៍ស្ងប់ក្រោយពេលដែលអ្នកហិតរួច។
រក្សាស្បែកឲ្យស្អាត៖ អ្នកអាចយកសំបកផ្នែកបៃតងនេះទៅដាំទឹកងូត នោះវានឹងជួយបំបាត់អារម្មណ៍នឿយហត់ពេញមួយថ្ងៃរបស់អ្នក ធ្វើឲ្យអ្នកមានអារម្មណ៍ស្ងប់ ហើយគេងលក់ស្រួល និងធ្វើឲ្យស្បែកម៉ត់រលោង។
បំបាត់ក្លិនមិនល្អ៖ អ្នកអាចយកសំបកក្រូចថ្លុងចំនួន៣ផ្លែទៅដាក់ក្នុងម៉ៃក្រូវ៉ែយ បន្ទាប់មកកម្តៅវាចំនួន២នាទី នោះវានឹងជួយបំបាត់ក្លិនមិនល្អនៅក្នុងនោះ ម្យ៉ាងទៀតបើទូរទឹកកកអ្នកមានក្លិនមិនល្អ អ្នកក៏អាចយកវាទៅដាក់ក្នុងទូរទឹកកកដូចគ្នាដែរ៕