ស្នាមសម្លាកផ្សេងៗនៅលើផ្ទៃមុខជារឿងដែលមនុស្សជាច្រើន មិនអាចទទួលយកបានទើបពួកគេបានប្រើប្រាស់ស្ទើរគ្រប់វិធីដើម្បីបំបាត់វា។ យ៉ាងណាក្នុងចំណោមវិធីជាច្រើននោះ យើងខ្ញុំសូមលើកយករូបមន្តគ្រឿងផ្សំធម្មជាតិ៤មុខ ដែលពិតជាអាចបំបាត់ស្លាកស្នាមលើផ្ទៃមុខយ៉ាងមានប្រសិទ្ធភាព និង មានភាពឆាប់រហ័ស។
អ្វីដែលអ្នកត្រូវការមាន៖ ទឹកឃ្មុំ១សា្លបព្រាកាហេ្វ, ម្សៅចន្ទន៍គ្រឺះស្នា១ស្លាបព្រាកាហ្វេ,ទឹកក្រូចឆ្មារ១ស្លាបព្រាកាហ្វេ និង ម្សៅឈើអែម១ស្លាបព្រាកាហ្វេ។
ការអនុវត្តន៍៖ លាយគ្រឿងផ្សំទាំងអស់នៅក្នុងចានមួយហើយកូរអោយសព្វសាច់។ អ្នកអាចបន្ថែមទឹកឃ្មុំអោយច្រើនប្រសិនបើស្បែករបស់អ្នកងាយប្រតិកម្ម។ ទឹកឃ្មុំមានលក្ខណៈសម្បត្តិដ៏អស្ចារ្យដែលនឹងជួយបន្ថយការរលាកស្បែក។ យ៉ាងណាក្តី អ្នកមានបញ្ហាសរសៃឈាមលើផ្ទៃមុខ មិនគួរប្រើប្រាស់វាទេ។ សូមបន្ថែមទឹកអោយច្រើនប្រសិនបើអ្នកចង់ឱ្យល្បាយនេះរាវបន្តិច។
របៀបប្រើប្រាស់៖ នៅពេលលាបវា ចូរប្រាកដថាមិនលាបនៅលើភ្នែក និងមាត់។ បន្ទាប់ពីលាបរួចហើយ ទុកវាអោយស្ងួតប្រមាណ១០នាទី ទើបលាងសម្អាតមុខដោយទឹកក្តៅ ហើយលាបក្រែមរក្សាសំណើមស្បែក ជាការស្រេច។ ម៉ាសនេះគួរតែលាបអោយបានច្រើន នៅកន្លែងដែលមានស្នាម។ ប្រសិនបើអ្នកមានអារម្មណ៏រមាស់ ឬក្រហាយតិចតួចចូរកុំបារម្ភ ព្រោះថាម៉ាសនេះកំពុងបញ្ចេញប្រតិកម្មលើស្បែក។ អាការៈនេះនឹងបាត់ទៅវិញ ២ ទៅ ៣នាទីបន្ទាប់ពីលាបហើយ។
ក្រៅពីបំបាត់ស្លាកស្នាមលើមុខហើយ ម៉ាសនេះក៏អាចប្រឆាំងនឹងមុន ស្នាមជាំដទៃទៀតបានដែរ។ព្យាយាមលាបម៉ាសនេះជាញឺកញាប់ នោះបញ្ហាស្បែកមុខទាំងឡាយ នឹងរលាយបាត់ក្នុងពេលមួយដ៏ឆាប់រហ័ស៕
