សម្រាប់អ្នកចង់សម្រកទម្ងន់តែងតែជ្រើសរើសញ៉ាំផ្លែឈើ បន្លែ ព្រោះវាមានកូឡេស្តេរ៉ូលទាបជាងសាច់ និងបាយ។ ប៉ុន្តែមានផ្លែឈើមួយចំនួនដែលញាំហើយអាចឡើងគីឡូលើសដើម ។ ផ្លែឈើ ដែលអ្នកហូបហើយអាចឡើងគីឡូមាន៖
ផ្លែដូង៖ ដូងមានផ្ទុកនូវសារធាតុចិញ្ចឹមដែលមានសុខភាពល្អជាច្រើន។ ទោះជាយ៉ាងណា វាមិនមែនជាផ្លែឈើត្រឹមត្រូវសម្រាប់អ្នកដែលចង់សម្រកទម្ងន់ទេ ព្រោះដូងមានកាឡូរីខ្ពស់ណាស់។ ដូង ១០០ ក្រាម មាន ២៣១ កាឡូរី ច្រើនជាងអង្ករទ្វេដង ក្រៅពីនេះ ខ្លាញ់នៅក្នុងសាច់ដូងក៏ច្រើនដែរ ។
ផ្លែទុរេន៖ ទុរេនសម្បូរទៅដោយសារធាតុចិញ្ចឹម ប្រូតេអ៊ីន កាបូអ៊ីដ្រាត ជាតិសរសៃ។ ប៉ុន្តែទុរេនក៏សំបូរទៅដោយកាឡូរីផងដែរ ដោយទុរេន ១០០ ក្រាមមានផ្ទុក ១៤៧ កាឡូរី ស្មើនឹងបាយ ១ចានកន្លះ ហើយជាតិខ្លាញ់ក៏ខ្ពស់ណាស់ដែរ ។ បើអ្នកញ៉ាំទុរេនច្រើន អ្នកនឹងឡើងគីឡូ ។
ផ្លែបឺរ៖ ផ្លែបឺរ ត្រូវបានប្រើជាញឹកញាប់នៅក្នុងសាឡាត់សម្រាប់អ្នកចង់សម្រកទម្ងន់ ។ ទោះជាយ៉ាងណា ផ្លែឈើនេះពិតជាមានកាឡូរីខ្ពស់ ដោយផ្លែបឺរ ១០០ ក្រាម មានផ្ទុក ១៦០ កាឡូរី។ បើប្រើផ្លែបឺរជាអាហារជំនួសអាហារធំៗ ឬញ៉ាំដោយមិនប្រុងប្រយ័ត្ន វាអាចបណ្តាលឲ្យអ្នកឡើងទម្ងន់បាន ។
ផ្លែចេក៖ កាឡូរីនៃចេកមិនខ្ពស់ខ្លាំងទេ ដោយចេក ១០០ ក្រាម មានប្រហែល ៨៩ កាឡូរី។ ទោះជាយ៉ាងណា ចេកផ្ទុកជាតិស្ករច្រើន ដូច្នេះប្រសិនបើអ្នកញ៉ាំច្រើន អ្នកក៏អាចនឹងឡើងទម្ងន់បានដែរ ។ ចេក គឺជាផ្លែឈើដែលអ្នកលេងកីឡាចូលចិត្ត ជាពិសេសនៅពេលហាត់ប្រាណ ដោយសារតែផ្លែឈើនេះមានផ្ទុកប៉ូតាស្យូមច្រើន។
ផ្លែពុទ្រា៖ ពុទ្រាស្រស់ ផ្តល់នូវបរិមាណកាឡូរីយ៉ាងច្រើន។ ផ្លែឈើនេះមានផ្ទុកសារធាតុចិញ្ចឹមជាច្រើន ជាពិសេស វីតាមីនដែលជួយបំប៉នស្បែក ។ លើសពីនេះទៅទៀត ពុទ្ធ្រាមានផ្ទុកជាតិទឹកច្រើន សូម្បីតែពេលស្ងួតហួតហែងក៏ដោយ ក៏កាឡូរី និងស្ករនៅក្នុងពុទ្រានៅតែខ្ពស់ដដែល ។ ពុទ្រា ១០០ ក្រាម អាចផ្ទុកជាតិស្ករ រហូតដល់ ៣០,៥ក្រាម ៕
