ភាពខ្មៅរបស់ឃ្លៀកពិតជាបញ្ហាដែលពិបាកនឹងទទួលយកណាស់សម្រាប់ប្រិយមិត្តនារីទាំងអស់គ្នា។ ហេតុដូច្នេះហើយទើបធ្វើឲ្យទំនុកចិត្តលើខ្លួនឯង និងការចូលរួមក្នុងសង្គមរបស់ពួកគាត់មានការថយចុះ។ យ៉ាងណាមិញ យើងខ្ញុំមានវិធីមួយប្រភេទដែលអាចជួយព្យាបាលបញ្ហានេះបានដោយការប្រើត្រសក់។
តាមការសិក្សាបានរកឃើញថា ត្រសក់មានតួនាទីជួយឲ្យស្បែកភ្លឺរលោងបាន។ ចំពោះវិធីព្យាបាលគឺគ្មានអ្វីពិបាកឡើយ គ្រាន់តែយកចំណិតត្រសក់ស្តើងទៅត្រដុសនៅក្រោមឃ្លៀក ឬក៏យកទឹករបស់វាលាបនៅឃ្លៀកក៏បានដែរ។
ចូរធ្វើបែបនេះម្តង ឬពីរដងក្នុងមួយថ្ងៃរហូតដល់បានផល។ មួយវិញទៀត អ្នកក៏អាចយកទឹកត្រសក់លាយជាមួយនឹងម្សៅរមៀត និងទឹកក្រូចឆ្មាបន្តិចដើម្បីក្លាយជាល្បាយតែមួយ រួចយកវាទៅលាបនៅលើឃ្លៀកចោលប្រមាណ ៣០នាទី ចាំលាងជម្រះជាមួយទឹកជាការស្រេច៕
