បើអ្នកកំពុងស្វែងរករូបមន្តបំប៉នស្បែក និង ខាត់ស្បែក អោយមានពណ៌សម្បុរសស្រស់ថ្លា អញ្ចឹងរូបមន្តនេះពិតជាសមស្របសម្រាប់អ្នក។ ជាកាពិតណាស់ វីតាមីន B មិនត្រឹមតែអាចបំបាត់រាល់បញ្ហាមុននោះទេ ថែមទាំងសម្អាតស្នាមជាំលើផ្ទៃមុខបានយ៉ាងមានប្រសិទ្ធភាពហើយក៏អាចជួយដល់ស្បែកនិងសក់ផងដែរ។ រូបមន្តពិសេសនេះអ្នកមិនចាំបាច់បារម្ភខ្លាចខូចស្បែកទេ។
គ្រឿងផ្សំរួមមានដូចជា៖ វីតាមីន B1 ស្មើនឹង ២០គ្រាប់ ប្រេងដូងឬប្រេងអូលីវ ៣ស្លាបព្រាបាយ ពងមាន់ ១គ្រាប់ ទឹកក្តៅឧណ្ហៗ ១០០ មីលីលីត្រ។
ការណែនាំអំពីរបៀបនៃការធ្វើ៖ ដំបូងអ្នកត្រូវកិនគ្រាប់ថ្នាំវីតាមីន B1 ឱ្យម៉ដ្ឋ រួចចាក់ទៅក្នុងទឹកក្តៅ មួយកូនកែវតូច ហើយកូរសើៗដើម្បីឱ្យវារលាយអស់នៅក្នុងកែវ។ វ៉ៃពងមាន់ដាក់ចូលក្នុងចានមួយ រួចច្របល់វាជាមួយទឹកវីតាមីន B1 ខាងដើម បន្ទាប់មកដាក់ប្រេងដូង ឬអូលីវចូល និងកូរឱ្យសព្វស្មើសាច់គ្នាជាការស្រេច។
កាណែនាំពីរបៀបប្រើ៖ នៅពេលអ្នកងូតទឹករួច អ្នកត្រូវចាក់ទឹកក្តៅឧណ្ហៗលើខ្លួនប្រាណអ្នកដើម្បីផ្តល់ជាតិនៃសំណើទៅដល់ស្បែក និងជួយបើករន្ធញើស បន្ទាប់មកប្រើស្បៃដុសស្បែករបស់អ្នកថ្នមៗ ដើម្បីឲ្យកម្ចាត់រាល់កោសិកាស្បែកណាដែលងាប់។ បន្ទាប់ពីងូតទឹកក្តៅ រួច សូមយកក្រែមខាងលើមកលាបម៉ាស្សាពេញទាំងខ្លួនប្រាណ ជាពិសេសនៅលើតំបន់ណាដែលខ្មៅជាងគេអ្នកអាចលាបម៉ាស្សាវាមុនរួចចាំបន្តនៅកន្លែងផ្សេង។ សូមរង់ចាំរយៈពេល ២០នាទីសឹមលាងសម្អាតនឹងទឹកក្តៅឧណ្ហៗម្តងទៀត ជាការស្រេច។ សូមបញ្ជាក់ថា អ្នកគួរតែធ្វើវិធីនេះឱ្យបាន ៤ដងក្នុងមួយសប្តាហ៍។ ពេលដែលស្បែករបស់អ្នកសម៉ត់រលោងហើយនោះ អ្នកអាចបន្ថយការធ្វើនេះមកត្រឹមតែ ២ដងក្នុងមួយសប្តាហ៍ ដើម្បីឱ្យស្បែករបស់អ្នកកាន់តែសស្អាតគួរឱ្យទាក់ទាញដូចសេចក្ដីប្រថ្នាដែលអ្នកចង់បាន៕
