បន្លែបៃតងជាទូទៅ មានផ្ទុកទៅដោយវីតាមីននានារួមទាំងជាតិកាល់ស្យូម, Carotene ហើយបន្លែខ្លះត្រូវបានគេប្រើប្រាស់ជាថ្នាំព្យាបាលដើម្បីបណ្តេញជាតិពុល បំបាត់ការក្អក ការពារផ្តាសាយ និងព្យាបាលការហូរឈាមក្រពះទៀតក៏មាន។ ទោះយ៉ាងណាមានមនុស្ស ៤ ប្រភេទ ត្រូវបានគេណែនាំមិនឲ្យទទួលទានបន្លែច្រើនពេកឡើយ។ អ្នកទាំងនោះមានដូចជា៖
អ្នកមានជំងឺសន្លាក់៖ បន្លែមានផ្ទុកសារធាតុ Purines ខ្ពស់ ដោយបន្លែ ១០០ ក្រាម មានជាតិ Purines ប្រហែល ៥០ ក្រាមទៅហើយ ដូច្នេះសម្រាប់អ្នកមានជំងឺរលាកសន្លាក់ ការទទួលទានបន្លែច្រើនពេក វាមិនល្អនោះទេ ព្រោះអាចនាំឲ្យសភាពជំងឺកាន់តែធ្ងន់ធ្ងរលើសដើម។
អ្នកមានជំងឺហើមពោះ៖ អ្នកដែលមានបញ្ហាប្រព័ន្ធរំលាយអាហារ ដូចជាហើមពោះ ចុកពោះ ឈឺក្រពះ មិនគួរទទួលទានបន្លែច្រើនពេក ព្រោះវាអាចបន្ថែមឲ្យអាការៈហើមពោះ កាន់តែធ្ងន់ធ្ងរលើសដើម។ ជាពិសេសកុំទទួលបានបន្លែឆៅឲ្យសោះ។
អ្នកជំងឺក្រពេញទីរ៉ូអ៊ីត៖ បន្លែមានវីតាមីន និងសារធាតុរ៉ែច្រើន ប៉ុន្តែមិនល្អទេ សម្រាប់អ្នកមានជំងឺក្រពេញទីរ៉ូអ៊ីត ព្រោះដោយសារបន្លែមានផ្ទុក Goitrin ដែលជាសារធាតុបង្កឲ្យមានជំងឺមហារីក ហើយនាំឲ្យសភាពជំងឺកាន់តែធ្ងន់ធ្ងរ។
ស្រ្តីមានផ្ទៃពោះ ហើយមានជំងឺច្រាលទឹកក្រពះ៖ ស្រ្តីដែលកំពុងពពោះ ហើយមានអាការៈច្រាលទឹកក្រពះ ការរំលាយអាហារមិនល្អ ពេលវេលានេះគួរតែផ្អាកការទទួលទានបន្លែសិន៕