ការមានជង្គង់ ឬ កែងដៃខ្មៅ គឺជារឿងរកាំចិត្តមួយ ព្រោះវាធ្វើអោយអ្នកមិនអាចស្លៀកពាក់ខ្លីបានដោយមានទំនុកចិត្តនោះទេ។ អ្នកខ្លះបានស្វែងរកផលិតផលពីទីផ្សារដើម្បីមកដោះស្រាយបញ្ហា ជង្គង់ ឬ កែងដៃខ្មៅនេះ។ ផលិតផលទាំងនោះមានប្រសិទ្ធភាព តែតម្លៃថ្លៃ ហើយពេលខ្លះទៀត វាមិនមានប្រសិទ្ធភាពហើយធ្វើអោយយើងត្រូវខាតបង់ថវិកាថែមទៀត។ ទោះយ៉ាងណា ឈប់ខ្វល់ខ្វាយពីទៀតទៅ ព្រោះយើងខ្ញុំនឹងណែនាំរូបមន្តដោះស្រាយរឿងជង្គង់ ឬ កែងដៃខ្មៅ ជាមួយរូបមន្តធម្មជាតិសុទ្ធសាធ វាងាយស្រួលហើយមានតម្លៃថោកទៀត។ វិធីទាំងនោះមានដូចជា៖
ប្រើដំឡូងបារាំង៖ វាជារូបមន្ត្ដែលងាយស្រួលជាងគេ តែមានប្រសិទ្ធភាពមិនចាញ់រូបមន្តខាងលើឡើយ។ ដំឡូងបារាំងគឺមិនដូចក្រូចឆ្មារដោយ វាមានអាស៊ីតតិច ដែលមិនបង្កឲ្យមានការរលាក ឬរោល នៅក្លៀក ហើយអាចប្រើសម្រាប់ស្បែកងាយប្រតិកម្មបានទៀតផង។ សូមចិតដំឡូងបារាំងចំនិតតូចមួយ ហើយយកវាជូតដំឡូងបារាំងទៅលើស្បែក ឬកន្លែងដែលខ្មៅ រយៈពេល៥-១០នាទី ចាំលាងសម្អាតជាមួយទឹកក្តៅឧណ្ណៗ។ អនុវត្តវិធីនេះ ២ដងក្នុងមួយថ្ងៃ ដើម្បីបានលទ្ធផលឆាប់ទាន់ចិត្ត។
ប្រើម្សៅ Baking Soda និងទឹកដោះគោ៖ ម្សៅ Baking Soda អាចជួយក្នុងការកម្ចាត់កោសិកាងាប់ចេញពីស្បែក ហើយចំណែកទឹកដោះគោវិញ ជួយក្នុងការផ្តល់សំណើមដល់ស្បែកបានល្អ និងភ្លឺរលោង។ សម្រាប់វិធីនេះ អ្នកត្រូវ លាយម្សៅ Baking Soda ជាមួយនឹងទឹកដោះគោ ចំនួន ១-២ស្លាបព្រាស្មើគ្នា។ បន្ទាប់មក យកទៅលាបលើកន្លែងដែលជាំខ្មៅ ហើយទុក ៣-៥នាទី រួចលាងទឹកចេញ។ អនុវត្តវិធីនេះ រាល់២ថ្ងៃម្តងរហូតដល់កន្លែងដែលខ្មៅចាប់ផ្តើមភ្លឺឡើង។
ប្រើទឹកខ្មេះប៉ោម៖ អាស៊ីដអាសេទិច នៅក្នុងទឹកខ្មេះប៉ោមគឺជាភ្នាក់ងារជួយកម្ចាត់ភាពខ្មៅឲ្យស ហើយវាអាចធ្វើឲ្យស្បែកសភ្លឺបានយ៉ាងពេញចិត្ត។ លាយទឹកខ្មេះប៉ោម និងទឹកធម្មតាឲ្យស្មើបរិមាណគ្នា ហើយយកក្រដាស ឬសំឡីជ្រលក់ចូល បន្ទាប់មកយកទៅបិទលើក្បាលជង្គង់ កែងដៃ ឬកន្លែងដែលខ្មៅ។ទុកចោលរយៈពេល១៥នាទី សឹមលាងទឹកចេញ។ សាកល្បងរូបមន្តនេះ ៣-៤ដងក្នុងមួយសប្តាហ៍ រហូតឃើញមានការប្រែពណ៌ស្បែក៕
