ការហាត់ប្រាណនិងតមអាហារជាវិធីដែលមានប្រសិទ្ធភាពជាងគេ ក្នុងចំណោមវិធីនានាដើម្បីសម្រកទម្ងន់។ ហេតុអ្វីបានជា ការហាត់ប្រាណនិងតមអាហារជាវិធីដែលមានប្រសិទ្ធភាពជាងគេ? ពីព្រោះចំនួនកាឡូរីដែលអ្នកដាក់ចូលក្នុងខ្លួនតិចជាងកាឡូរីដែលអ្នកដុតបំផ្លាញក្នុងមួយថ្ងៃ ប៉ុន្តែមិនត្រូវអត់ញ៉ាំអាហារដើម្បីឲ្យឆាប់ស្រកនោះទេ ព្រោះវាអាចធ្វើឲ្យប៉ះពាល់ដល់សុខភាពទៅវិញ។ ដូចនេះអ្នកគួរញ៉ាំតិចៗ ឬញាំអាហារជំនួស ពេលល្ងាចដែលជួយធ្វើឲ្យស្រកទម្ងន់និងសុខភាពល្អ៖
ញ៉ាំទឹកត្រសក់៖ ត្រសក់ជាបន្លែដែលមានវីតាមីន C ខ្ពស់ និងមានកាឡូរីទាបព្រោះវាផ្ទុកជាតិទឹកច្រើនដែលរាងកាយត្រូវការ និងជួយឲ្យឆាប់ឆ្អែត។ អ្នកអាចផឹកទឹកត្រសក់១កែវឬ ញ៉ាំត្រសក់២ផ្លែជំនួសបាយល្ងាច។
ញ៉ាំផ្លែល្ហុង៖ ផ្លែល្ហុងសំបូរទៅដោយវីតាមីន AនិងC ប៉ូតាស្យូម និងជាពិសេសនោះកាកសរសៃ។ បែបនេះហើយទើបល្ហុងជាអាហារដែលល្អសម្រាប់ញ៉ាំជំនួសបាយពេលល្ងាច ព្រោះជាតិកាកសរសៃជួយឲ្យអ្នកបន្ទោបង់ស្រួល ហើយវីតាមីន A ,C ជួយឲ្យសាច់ស្អាតផងដែរ។
ញ៉ាំផ្លែចេក៖ ញ៉ាំផ្លែចេក២ផ្លែជំនួសបាយល្ងាចជួយឲ្យអ្នកស្រកទម្ងន់ឆាប់ ព្រោះចេកអាចជួយពន្លឿនប្រព័ន្ធដុតបំផ្លាញខ្លាញ់ឲ្យខ្លាំង។ ញ៉ាំចេកមុនចូលគេង និងជួយដុតកាឡូរីអ្នក កំលុងពេលដែលអ្នកគេងផងដែរ។
ប៉េងប៉ោះ៖ ផ្លែប៉េងប៉ោះមានវីតាមីន C និងជាតិទឹកខ្ពស់ ដែលជួយឲ្យសម្រកទម្ងន់បានយ៉ាងមានប្រសិទ្ធភាព។ ម៉្យាងទៀតប៉េងប៉ោះក៏ជួយឲ្យស្បែកស្អាត ស ភ្លឺរលោងផងដែរ។
ផ្កាខាត់ណាខៀវ៖ ផ្កាខាត់ណាខៀវ មិនត្រឹមតែមានរសជាតិឆ្ងាញ់នោះទេ ថែមទាំងមានកាឡូរីទាប តែជាតិកាកសសៃខ្ពស់ដែលល្អបំផុតសម្រាប់អ្នកចង់តមអាហារសម្រកទម្ងន់ញ៉ាំជំនួសបាយល្ងាច៕