ក្នុងករណីកង្វះវីតាមីន A រាងកាយអាចជួបនឹងការស្រូបយកជាតិខ្លាញ់មិនគ្រប់គ្រាន់។ ភាពស៊ាំជាទូទៅអាចកាន់តែយ៉ាប់យ៉ឺន ហើយភាពពិការភ្នែកពេលយប់អាចលេចឡើង។ បន្ថែមពីនេះ បើអ្នកខ្វះវីតាមីន A អ្នកនឹងមានផលវិបាកដូចជា៖
ភ្នែកស្ងួត៖ អសមត្ថភាពក្នុងការផលិតទឹកភ្នែក បណ្ដាលឲ្យភ្នែកស្ងួតគឺជាសញ្ញាទូទៅនៃកង្វះវីតាមីន A។ ប្រសិនបើមិនត្រូវបានយកចិត្តទុកដាក់ទេ ស្ថានភាពនេះក៏អាចបណ្ដាលឲ្យងងឹតភ្នែកឬងាប់ដែរ។
ស្បែកស្ងួត រមាស់៖ វីតាមីន A ជួយក្នុងការបង្កើតនិងជួសជុលកោសិកាស្បែក។ ដូច្នេះកង្វះវីតាមីននេះ អាចនាំឲ្យមានបញ្ហាស្បែកដូចជាជំងឺស្បែក។ ស្ថានភាពនេះបណ្ដាលឲ្យស្បែកស្ងួតរមាស់និងរលាក។ ការកើតមុនគឺជាសញ្ញានៃកង្វះវីតាមីន A ផងដែរ ព្រោះការទទួលទានឬផលិតវីតាមីន A គ្រប់គ្រាន់ ទើបអាចជួយទប់ស្កាត់ការរលាកស្បែក។
មានបញ្ហាបន្តពូជ៖ ពិបាកក្នុងការមានផ្ទៃពោះអាចជាសញ្ញានៃកង្វះវីតាមីន A ព្រោះបរិមាណវីតាមីននេះ គ្រប់គ្រាន់ទើបអាចធ្វើឲ្យមានកូន។ វីតាមីន A គឺមានសារៈសំខាន់សម្រាប់ការផ្ដល់នូវសារធាតុប្រឆាំងអុកស៊ីតកម្មដល់រាងកាយ ព្រោះវាជួយកាត់បន្ថយភាពតានតឹងក្នុងអុកស៊ីតកម្មមានសារៈសំខាន់ជំនួយដល់ការមានកូន។
អសមត្ថភាពព្យាបាលមុខរបួស៖ ក្នុងករណីដែលស្នាមរបួសមិនងាយជាសះស្បើយ បន្ទាប់ពីរងរបួសឬការវះកាត់អស់ពេលយូរ។ បញ្ហានេះអាចត្រូវបានគេសន្មតថាមានកម្រិតវីតាមីន A ទាបក្នុងខ្លួន។ វីតាមីន A ជំរុញការបង្កើតកូឡាជែន ដែលចាំបាច់សម្រាប់សុខភាពស្បែកនិងការបង្កើតកោសិកាឡើងវិញ។
ឆ្លងមេរោគលើទ្រូងនិងបំពង់ក៖ ក្នុងករណីដែលអ្នកមានការឆ្លងមេរោគញឹកញាប់នៅក្នុងតំបន់ទ្រូងនិងបំពង់ក នេះអាចជាសញ្ញានៃកង្វះវីតាមីន A។ វីតាមីននេះមានប្រយោជន៍ក្នុងការការពារប្រឆាំងនឹងការឆ្លងមេរោគផ្លូវដង្ហើម និងបង្កើតប្រព័ន្ធការពាររាងកាយទាំងមូល។
ក្រិន៖ វីតាមីន A គឺចាំបាច់សម្រាប់ការអភិវឌ្ឍរាងកាយមនុស្ស និងកុមារដែលមិនលូតលាស់គ្រប់គ្រាន់ឬរាងកាយក្រិន។
ដូច្នេះការបំពេញរបបអាហារដែលសំបូរវីតាមីនA ជាវិធីសាស្ត្រ និងជាទម្លាប់មួយដ៏ល្អ ថែទាំសុខភាពទូទៅរាប់តាំងពីសុខភាពភ្នែក ពង្រឹងដល់ប្រព័ន្ធភាពស៊ាំរាងកាយ ជំរុញសុខភាពឆ្អឹង ជាពិសេសការពារលោកអ្នកពីជំងឺមហារីក។ អាហារ ដែលសំបូរទៅដោយវីតាមីនA មានដូចជា ថ្លើមមាន់ ត្រីសាម៉ុង ស៊ុត ទឹកដោះគោស្រស់(សម្លាប់មេរោគរួច) គ្រឿងសមុទ្រ ការ៉ុត បន្លែស្លឹកបៃតង ជាដើម៕