ជាការពិត ផ្លែចេក អាចចិញ្ចឹមស្បែកមុខ ធ្វើឲ្យមុខសបែបស៊ីជម្ពូ ហើយបាត់មុខទៀត។ ចេកមានសារធាតុសំខាន់ៗជាច្រើនសម្រាប់បំប៉នស្បែក ដូចជា វីតាមីន A B E ប៉ូតាស្យ៉ូម វាមាននាទីទប់ស្កាត់ភាពចាស់ ការពារស្នាមជ្រួញ បំបាត់មុខ និងធ្វើឲ្យស្បែកមុខទន់រលោងស្រស់ស្អាត។
គ្រឿងផ្សំមានដូចជា ចេកទុំ១ផ្លែ ម្សៅស្រូវសាឡី១ស្លាបព្រាបាយ ទឹកក្រូចឆ្មារ១ស្លាបព្រាកាហ្វេទឹកឃ្មុំ១ស្លាបព្រាកាហ្វេ និង ទឹកដោះគោស្រស់គ្មានជាតិស្ករ៣ស្លាបព្រាបាយ។
របៀបធ្វើវិញគឺអ្នកត្រូវបកសំបកចេកចេញឲ្យស្អាត កាត់ជាកង់ៗ ដាច់ចូលចានរួចកិនឲ្យម៉ដ្ឋ។ បន្ទាប់មកដាក់គ្រឿងផ្សំទាំងអស់ចូលក្នុងចេកដែលកិនរួច បើមើលទៅខាប់ស្អិតជ្រុល អ្នកអាចបន្ថែមទឹកដោះគោស្រស់បន្តិចបាន។
ចំពោះវិធីប្រើវិញគឺអ្នកត្រូវលាងសម្អាតមុខជាមួយហ្វូមលាងមុខ និងទឹកក្ដៅឧណ្ណៗដើម្បីជម្រះជាតិកខ្វក់ និងពង្រីករន្ធញើស។ យកម៉ាស់ដែលលាយរួចទៅលាបឲ្យសព្វពេញផ្ទៃមុខ ធ្វើការម៉ាស្សាដោយប្រើម្រាមដៃថ្នមៗរយៈពេល៣នាទី ពិសេសនៅត្រង់បរិវេណដែលងាយមានស្នាមជ្រួញដូចជា ថ្ងាស កន្ទុយភ្នែកជាដើម។
ទុកចោលឲ្យបាន២០នាទី រហូតដល់ម៉ាស់ស្ងួត សឹមទៅលាងចេញជាមួយទឹកក្តៅឧណ្ណៗ។ បន្ទាប់មកអាចប្រើថ្មត្រជាក់ដើម្បីបង្រួមរន្ធញើស ឬជូតទឹក Toner ជាការស្រេច។
ម៉ាស់នេះគួរប្រើនៅពេលយប់មុនចូលគេង អ្នកនឹងឃើញប្រសិទ្ធភាពក្នុងរយៈពេល២សប្ដាហ៍៕
