ស្លឹកត្របែកមានគុណសម្បត្តិក្នុងការប្រឆាំងនឹងការរលាក ប្រឆាំងមេរោគ កាត់បន្ថយការឈឺធ្មេញ ព្យាបាលជំងឺអញ្ចាញធ្មេញ។ នៅក្នុងស្លឹកត្របែកក៏មានផ្ទុកនូវសារធាតុ Astringents ដែលអាចជួយបង្រួមចន្លោះអញ្ចាញធ្មេញ និងបំបាត់ការឈឺធ្មេញ។ ដូច្នេះហើយរាល់ពេលដែលមានអាការៈឈឺធ្មេញ អ្នកអាចប្រើប្រាស់ស្លឹកត្របែកបាន។ អ្នកអាចប្រើស្លឹកត្របែកដូចជា៖
យកស្លឹកត្របែកដែលបុកម៉ត់មកលាបត្រង់អញ្ចាញធ្មេញដែលមានបញ្ហា ឬត្រង់ធ្មេញដែលឈឺ។
យកស្លឹកត្របែកលាងទឹកឲ្យស្អាត រួចបុកបញ្ចូលជាមួយអំបិលបន្តិច ព្រមទាំងលាយជាមួយទឹកក្តៅ។ បន្ទាប់មកប្រើសំលីកប្បាលជ្រលក់ ហើយញាត់ចូលកន្លែងដែលឈឺ។
សូមអ្នកធ្វើបែបនេះពីទៅបីដងវានឹងជួយប្រឆាំងការរលាក, បំបាត់ការឈឺចាប់យ៉ាងប្រសើរ៕