សក់ស្កូវអាចជាបញ្ហាគួរឱ្យរំខានមួយជាពិសេសប្រសិនបើយើងមានវ័យក្មេងនៅឡើយ ហើយភាគច្រើននៃពួកយើងសុទ្ធតែយល់ស្របបែបនេះ។
បញ្ហាសក់ស្កូវមុនវ័យអាចបណ្ដាលមកពីបរិមាណនៃមេឡានីនដែលផលិតដោយឬសសក់ធ្លាក់ចុះទាប។ ជួនកាលសារធាតុគីមីដែលអ្នកបានប្រើប្រាស់លើសក់ក៏ធ្វើឱ្យស្ថានភាពកាន់តែអាក្រក់ឡើង។ ទោះជាយ៉ាងណា ពេលនេះយើងខ្ញុំនឹងបង្ហាញឱ្យដឹងពីរូបមន្តបែបធម្មជាតិជួយដោះស្រាយបញ្ហាសក់ស្កូវមុនវ័យ។
អ្វីដែលអ្នកត្រូវការមាន ខ្ទឹមស ៤ ទៅ ៥កំពឹស ប្រេងអូលីវ ១ទៅ ២ស្លាបព្រាបាយ។
ការអនុវត្តន៍៖ ងាយៗ សូមអ្នកចិញ្ច្រាំ ឬកិនខ្ទឹមសឲ្យម៉ដ្ឋ រួចវលាយជាមួយប្រេងអូលីវ ច្រកក្នុងដបបិតគម្របឲ្យជិតល្អ រក្សាទុក២ថ្ងៃ។ យកល្បាយនោះមកលាបត្រដុសកក់លើស្បែកក្បាល និងសក់ ញីថ្នមៗ រួចយកកន្សែងមករុំឲ្យជិតទុកចោល ៣០នាទី ទៅ ១ម៉ោង បន្ទាប់មកធ្វើការលាងសម្អាតជាមួយសាប៊ូជាការស្រេច៕
