ទឹកឃ្មុំមិនត្រឹមតែជារបស់ធម្មជាតិដែលល្អសម្រាប់សុខភាពនោះទេ ទឹកឃ្មុំក៏ត្រូវបានគេប្រើជាវិធីថែរក្សាស្បែកនិងព្យាបាលមុនដ៏អស្ចារ្យផងដែរ។ គ្រឿងផ្សំនៅក្នុងទឹកឃ្មុំមានផ្ទុកជាតិដែកវីតាមីន B, C, E កាល់ស្យូមផូស្វ័រ ដែលវាជួយផ្តល់សំណើមជួយឱ្យស្បែកសភ្លឺថ្លាកាត់បន្ថយស្នាមជាំយ៉ាងមានប្រសិទ្ធភាព។ រីឯ តែបៃតងវិញ មានសារធាតុជួយប្រឆាំងអុកស៊ីតកម្ម ការប្រឆាំងនឹងការរលាក ការព្យាបាលមុន និងចំណុចខ្មៅលើស្បែកមុខយ៉ាងមានប្រសិទ្ធភាព។
គ្រឿងផ្សំដែលអ្នកត្រូវការមាន ទឹកឃ្មុំ ១ស្លាបព្រាបាយ តែបៃតង១ស្លាបព្រាបាយ និង ទឹកក្រូចឆ្មារ ២ស្លាបព្រាកាហ្វេ។
ការអនុវត្តន៍៖ សូមលាងសម្អាតមុខរបស់អ្នកជាមួយទឹកក្តៅឧណ្ឌៗដើម្បីបើករន្ធញើស លាបល្បាយដែលបានលាយបញ្ចូលគ្នានៅលើស្បែកមុខរបស់អ្នកហើយទុករយៈពេល ២០ នាទីបន្ទាប់មកលាងសម្អាតមុខឱ្យស្អាត។
ជាការពិត សម្រាប់រូបមន្តនេះ វានឹងធ្វើអោយស្បែកមុខស្រាលជាងមុនបន្ទាប់ពីប្រើលើកដំបូង។ អនុវត្តន៍បែបនេះពីរដងក្នុងមួយសប្តាហ៍នឹងជួយប្រឆាំងភាពចាស់នៃស្បែកមុខ មុននិងចំណុចខ្មៅនឹងត្រូវបានកាត់បន្ថយរលាយគ្មានសល់៕
