តើប្រិយមិត្តទំាងអស់គ្នាដឹងទេថា ការញ៉ាំទឹកក្តៅ១កែវ មុនអាហារពេលព្រឹករៀងរាល់ថ្ងៃ ពិតជាមានគុណសម្បត្តិច្រើនយ៉ាងដល់សុខភាពយើងទាំងអស់គ្នា។
ទឹកក្តៅឧណ្ហៗមួយកែវពេលផឹកចូលទៅ ក្នុងក្រពះដែលទទេស្អាត វានឹងជួយដល់ប្រព័ន្ធរំលាយអាហារ ធ្វើឲ្យការរំលាយអាហារកាន់តែប្រសើរឡើង និងជួយលាងសម្អាតជាតិពុលចេញពីរាងកាយរបស់អ្នកទៀតផង។
ក្រៅពីនេះ វានៅជួយដល់សុខភាពរបស់អ្នកតាមការរៀបរាប់ដូចខាងក្រោម៖
កម្ចាត់ជាតិពុលចេញពីរាយកាយ៖ការផឹកទឹកក្ដៅឧណ្ហៗនាពេលព្រឹកជួយឲ្យរាយកាយអ្នកកម្ចាត់ជាតិពុលដែលអាចបង្កគ្រោះថ្នាក់ចេញទាំងអស់។ ទឹក ជួយបំបែកអាហារនៅក្នុងក្រពះ និងធ្វើឲ្យមុខងាររបស់ប្រព័ន្ធរំលាយអាហារកាន់តែប្រសើរឡើង។
ជួយឲ្យការរំលាយអាហាររបស់អ្នកកាន់តែប្រសើរ៖ វាជួយឲ្យការរំលាយអាហាររបស់អ្នកកាន់តែប្រសើរឡើង ហើយធ្វើឲ្យរាងកាយរបស់អ្នកដំណើរការបានយ៉ាងល្អទៀតផង។ វាក៏ជួយកម្ចាត់ការឈឺពោះ ឬក្រពះ ដែលតែងបង្កឡើងដោយការរំលាយអាហារយឺត និង មិនត្រឹមត្រូវ។
បន្ថយការឈឺចាប់៖ មនុស្សជាច្រើនបានរកឃើញថា ការទទួលទានទឹកក្តៅ អាចកាត់បន្ថយការឈឺចាប់បាន ជាពិសេសក្នុងករណី ឈឺចាប់ពេលមករដូវ។ កម្ដៅពីទឹក នឹងជួយឲ្យសាច់ដុំក្រពះរបស់អ្នកសម្រាក និងកាត់បន្ថយការឈឺចាប់។
ជួយសម្រកទម្ងន់៖ ទឹកក្តៅអាចជាអាហារដែលជួយឲ្យអ្នកសម្រកទម្ងន់បានយ៉ាងល្អឥតខ្ចោះ នៅពេលទទួលទានវាជាមួយនឹង របបអាហារដែលជួយឲ្យសុខភាពល្អ និងនៅពេលធ្វើលំហាត់ប្រាណមួយចំនួន។ ទឹកក្តៅបង្កើនសីតុណ្ហភាពក្នុងខ្លួនរបស់អ្នក បង្កើនល្បឿននៃការរំលាយអាហារ និងជួយដុតកាឡូរីបានយ៉ាងរហ័សទៀតផង។
ធ្វើឲ្យចលនាឈាមរត់កាន់តែប្រសើរ៖ ទឹកក្តៅឧណ្ហៗនឹងជួយបង្កើនល្បឿនចលនាឈាមរត់ និងលើកកម្ពស់សុខភាពអ្នកទាំងមូល។
បន្ថយភាពចាស់៖ ទឹក អាចជួយអ្នកទប់ស្កាត់ភាពចាស់មុនអាយុបាន។ នៅពេលដែលរាងកាយរបស់អ្នក ពោរពេញទៅដោយសារជាតិពុល វានឹងធ្វើឲ្យប៉ះពាល់ដល់សុខភាពទាំងមូល រួមទាំងរូបរាងកាយខាងក្រៅផងដែរ ហើយនឹងធ្វើឲ្យអ្នកមើលទៅចាស់មុនអាយុ។ ផ្ទុយទៅវិញ ប្រសិនបើអ្នកទទួលទានទឹកក្តៅរៀងរាល់ព្រឹក រាងកាយរបស់អ្នកនឹងកម្ចាត់ជាតិពុលបានយ៉ាងឆាប់រហ័ស ធ្វើឲ្យដំណើរនៃភាពចាស់យឺត និង ជួយឲ្យស្បែករបស់អ្នកកាន់តែតឹងណែន ផងដែរ៕