ភាគច្រើនជំងឺគ្រុនក្តៅ កើតឡើងនៅពេលដែលរាងកាយរបស់អ្នកកំពុងតែប្រយុទ្ធប្រឆាំងជាមួយនឹងការឆ្លងមេរោគផ្តាសាយ និងគ្រុនផ្តាសាយ។ រោគសញ្ញាទូទៅនៃជំងឺគ្រុនក្តៅ រួមមានការឈឺចាប់ ចង្អោរ ឈឺបំពងក វិលមុខ ខ្សោយកម្លាំង ឈឺក្បាល ខ្វះជាតិទឹក បែកញើសខុសធម្មតា។ ទោះជាយ៉ាងណាក៏ដោយ ជំងឺនេះអាចព្យាបាលបាន ដោយប្រើប្រាស់ឱសថធម្មជាតិសាមញ្ញៗប៉ុណ្ណោះ។
ខ្ទឹមស៖ ខ្ទឹមស មិនត្រឹមតែជាគ្រឿងទេសដ៏ពេញនិយម សម្រាប់បន្ថែមនៅក្នុងអាហារនោះទេ វាក៏ជាឱសថសម្រាប់ព្យាបាលជំងឺគ្រុនក្តៅផងដែរ។
ការអនុវត្តន៍វិញគឺអ្នកត្រូវយកខ្ទឹមសមួយកំពឹសចិញ្ច្រាំឲ្យម៉ត់ រួមបន្ថែមទៅក្នុងទឹកក្តៅមួយកែវ។ ទុកឲ្យត្រជាក់បន្តិច ទើបទទួលទាន។.ក្នុងមួយថ្ងៃ អ្នកត្រូវទួលទានពីរដង គឺពេលព្រឹក និងពេលល្ងាចក្រោយពេលទទួលទានអាហារ។
ខ្ញី៖ ខ្ញី គឺជាប្រភេទឱសថធម្មជាតិ ដែលត្រូវបានគេប្រើសម្រាប់ប្រឆាំងនឹងការឆ្លងមេរោគ បាក់តេរី និងជួយពង្រឹមប្រព័ន្ធភាពស៊ាំឲ្យកាន់តែរឹងមាំ។
ការអនុវត្តន៍គឺអ្នកយកខ្ញីចិញ្ច្រាំម៉ត់ កន្លះស្លាបព្រាកាហ្វេ ទៅលាយក្នុងទឹកក្តៅឧណ្ហៗ ១កែវ។ ទុកពីរបីនាទី ទើបន្ថែមទឹកឃ្មុំបន្តិចចូល។ ក្នុងមួយថ្ងៃ អ្នកត្រូវទទួលទាន ៣ដង ក្រោយពេលបាយរួច៕
