កន្លងមកមានការលើកឡើងថា ការទទួលទានស៊ុតក្ងានល្អជាងស៊ុតមាន់អំឡុងពេលមានផ្ទៃពោះ ព្រោះវាអាចជួយឲ្យកូនមានសុខភាពល្អ និងកើតមកឆ្លាត។ តើរឿងនេះពិតជាត្រឹមត្រូវឬទេ?
ជាការពិត ទោះបីជាស៊ុតក្ងានធំក៏ពិតមែន ប៉ុន្តែប្រូតេអ៊ីនរបស់វាតិចជាងស៊ុតមាន់ ជាពិសេសវីតាមីន A ដែលស្ត្រីមានផ្ទៃពោះត្រូវការជាចាំបាច់។ រហូតមកដល់ពេលនេះពុំទាន់មានភស្តុតាងច្បាស់លាស់ណាមួយដែលបង្ហាញថា ការទទួលទានស៊ុតក្ងានជំនួសស៊ុតមាន់ អាចជួយឲ្យកូនកើតមកមានភាពឆ្លាតវៃនោះទេ ប៉ុន្តែវាត្រូវាបានគេចាត់ទុកថា មានគុណតម្លៃខ្ពស់។
លើសពីនេះទៅទៀត ប្រសិនបើអ្នកក្រឡេកមើលតម្លៃអាហារូបត្ថម្ភនៅក្នុងស៊ុត ១០០ក្រាម វាត្រូវបានគេរកឃើញថា ស៊ុតក្ងានមានផ្ទុកខ្លាញ់លីពីត និងកូលេស្តេរ៉ុលខ្ពស់ ដែលអាចធ្វើឲ្យស្ត្រីមានផ្ទៃពោះធាត់ និងមានខ្លាញ់កូលេស្តេរ៉ុលខ្ពស់ក្នុងសរសៃឈាម ប្រសិនបើទទួលទានច្រើនពេក។
ដូច្នេះស៊ុតក្ងានមិនមែនជាគោលដៅសំខាន់ដែលធ្វើឲ្យកុមារកើតមកមានភាពឆ្លាតវៃនោះទេ គឺអាស្រ័យទៅលើកត្តាតំណពូជ ការទទួលទានអាហារបំប៉នផ្សេងៗក្នុងអំឡុងពេលមានផ្ទៃពោះ រួមទាំងការជំរុញបន្ថែមរបស់ឪពុកម្តាយនៅពេលកើតមក៕