ពេលត្រូវឃ្មុំទិចភ្លាមអ្នកច្បាស់ជាមានការឈឺចាប់ ស្បែកឡើងហើមក្រហមបន្តិចម្តងៗ ហើយមានភាពរមាស់ថែមទៀត។ នេះដោយសារតែការជ្រាបនៃពិសឃ្មុំធ្វើឲ្យស្បែកមានប្រតិកម្មអាឡែស៊ី។ ប្រសិនបើអ្នកមិនធ្វើការព្យាបាល វានឹងហើមរហូតរយ:ពេល ៣ទៅ៤ថ្ងៃទើបស្រករាបស្មើដូចដើមវិញ។ ទោះជាយ៉ាងណា ឃ្មុំទិចអាចព្យាបាលបានភ្លាមៗ ដោយប្រើខ្ទឹមស។
ខ្ទឹមស ត្រូវបានគេរកឃើញថា មានផ្ទុកសារធាតុប្រឆាំងអុកស៊ីតកម្ម អង់ទីអុកស៊ីដកម្ម និងសារធាតុប្រឆាំងការរលាក ដែលអាចជួយទប់ស្តាត់ការឈឺចាប់យ៉ាងមានប្រសិទ្ធភាព។
សម្រាប់របៀបអនុវត្តគឺជាដំបូងអ្នកត្រូវយកខ្ទឹមស ទៅបុកឲ្យម៉ត់ រួចពូតយកទឹក។ បន្ទាប់មកលាបនៅត្រង់តំបន់ដែលត្រូវឃ្មុំទិច។ ទុករយ:ពេល ២០នាទី ទើបលាងសម្អាតចេញ។
អនុវត្តវិធីនេះ ការឈឺចាប់នឹងត្រូវកាត់បន្ថយ និងហើមដោយសារតែពិសឃ្មុំនឹងត្រូវការបន្ថយបន្តិចម្តងៗរហូតទាល់តែលែងឈឺ៕
