ក្រសាំងទំហំ ឬច្រើនតែគេស្គាល់ថាជាជីពងទាកូន មានប្រយោជន៍ច្រើនយ៉ាងណាស់ដល់សុខភាព។ ទាំងនេះជាអត្ថប្រយោជន៍របស់វា។
ព្យាបាលជំងឺហើមពោះ និងឈឺពោះ៖ ប្រសិនបើអ្នកជួបប្រទះបញ្ហារំលាយអាហារដូចជា ហើមពោះ សូមសាកល្បងដោះស្រាយជាមួយឱសថធម្មជាតិនេះ ដោយយកស្លឹកវាមួយក្ដាប់ លាងទឹកឱ្យស្អាតបុកឱ្យម៉ដ្ឋពូតយកទឹកមកផឹក។ ហើយសម្រាប់កាកវាដែលនៅសល់សូមជូតវាជុំវិញផ្ចិតរបស់អ្នក។
ព្យាបាលជំងឺផ្តាសាយ៖ ស្លឹកជីរក្រសាំងទំហំត្រូវបានចាត់ទុកថាជាដំណោះស្រាយដ៏ល្អសម្រាប់អ្នកដែលមានជំងឺផ្តាសាយ។ ប្រសិនបើអ្នកកើតជំងឺគ្រុនផ្តាសាយធ្ងន់ធ្ងរហើយរកពេទ្យនៅជិតមិនបាន សូមយកស្លឹកវាមួយក្ដាប់លាងទឹកឱ្យស្អាត កិនជាមួយខ្ញីស្រស់ ដោយបន្ថែមទឹកបន្តិច រួចច្រោះល្បាយសម្រាប់ផឹក។
ព្យាបាលពស់ចឹក៖ បើមានករណីពស់ចឹក ចាស់បុរាណច្រើនយកស្លឹកជីរនេះទៅបុក ឬកិនវាឱ្យម៉ត់ រួចផឹកទឹកដែលចម្រាញ់នោះ ហើយកាកដែលនៅសល់គេលាបវាលើកន្លែងខាំ។
ព្យាបាលផ្សិតនៅចន្លោះម្រាមជើង៖ ស្លឹកជីរនេះក៏មានប្រសិទ្ធភាពសម្រាប់ផ្សិតនៅចន្លោះម្រាមជើងផងដែរ។ ផ្សិតនេះគឺជាលទ្ធផលនៃការដែលជើងរបស់អ្នកប៉ះពាល់នឹងទឹកកខ្វក់ក្នុងរយៈពេលយូរ។ ម្យ៉ាងទៀត វាអាចកើតឡើងចំពោះអ្នកដែលត្រូវពាក់ស្បែកជើងពេញមួយថ្ងៃ ជាពិសេសអ្នកធ្វើការការិយាល័យ។ សូមលាងស្លឹកជីរនេះឱ្យស្អាត កិនវាជាវត្ថុរាវ ដើម្បីលាបលើកន្លែងរបួស។ ប៉ុន្តែចូរចាំថា កុំឱ្យរបួសប៉ះនឹងទឹកឱ្យសោះ។
ព្យាបាលកើតស្រែង និងកមរមាស់៖ ដូចគ្នានឹងជើងរបស់អត្តពលិកដែរ ស្លឹកជីរនេះក៏ជាការព្យាបាលដ៏អស្ចារ្យសម្រាប់កើតស្រែង និងកមរមាស់ផងដែរ។ រោគទាំងពីរនេះបណ្តាលឱ្យរមាស់នៅលើស្បែករបស់អ្នក។ អ្នកដែលមានកមរមាស់អាចមានចំណុចក្រហមតូចៗដែលបានលើកឡើង។ ដើម្បីលុបចំណុចរមាស់ទាំងនេះ ចូរត្រាំរុក្ខជាតិទាំងមូលទៅក្នុងស្រា ស រួចយកស្រាមកលាបលើកន្លែងដែលមានស្នាមរបួស ឬបុកដើមវាដាក់លើមុខរបួស រួចប្រើក្រណាត់ស្អាតជាបង់រុំ។
ព្យាបាលបញ្ហាស្បែក៖ អ្វីដែលគួរឱ្យភ្ញាក់ផ្អើលនោះ ស្លឹកជីរនេះក៏ជាឱសថដ៏ពេញនិយមរបស់នារីៗផងដែរ ព្រោះវាល្អសម្រាប់ថែរក្សាស្បែក។ ដោយសារតែឥទ្ធិពលប្រឆាំងនឹងការរលាក និងថ្នាំប្រឆាំងអុកស៊ីតកម្មរបស់វា រុក្ខជាតិនេះគឺជាវិធីសាស្ដ្រធម្មជាតិដ៏ប្រសើរក្នុងការបំបាត់មុន ក៏ដូចជាការរឹតបណ្តឹងរន្ធញើសផងដែរ។ សូមបុកស្លឹកវាមួយក្តាប់តូច រួចច្របល់ជាមួយអំបិលបន្តិច រួចយកទៅបិទនៅលើរោគមុន។
ទោះយ៉ាងណា បើទោះបីជាគេបានរកឃើញថាវាជាជីរឱសថអាចព្យាបាលជំងឺជាច្រើនមុខ ប៉ុន្តែវាជារឿងចាំបាច់ណាស់ដែលលោកអ្នកគួរពិភាក្សាជាមួយអ្នកជំនាញមុននឹងជ្រើសរើសយកវាមកប្រើដើម្បីព្យាបាលជំងឺប្រភេទណាមួយ ព្រោះថា អ្នកជំនាញអាចនឹងផ្ដល់អនុសាសន៍ថាលោកអ្នកគួរប្រើប្រាស់វាឬមានជម្រើសណាផ្សេងដែលប្រសើរជាងនេះ៕
