ប្រសិនបើអ្នកឃើញរាងកាយរបស់អ្នកបង្ហាញសញ្ញាណាមួយ ក្នុងចំណោមរោគសញ្ញាខាងក្រោមនេះ អ្នកគួរតែបន្ថែមទឹកឱ្យបានគ្រប់គ្រាន់ដល់រាងកាយរបស់អ្នកមុនពេលបង្កជំងឺផ្សេងៗ។
នោមតិច៖ មនុស្សដែលមានសុខភាពល្អ ជាមធ្យមនោមប្រហែល ៦-៧ ដងក្នុងមួយថ្ងៃ។ ទោះជាយ៉ាងណាក៏ដោយ ចំនួននេះ គឺខុសគ្នាសម្រាប់មនុស្សម្នាក់ៗ ពីព្រោះបរិមាណទឹកដែលពួកគេប្រើប្រាស់ប្រចាំថ្ងៃខុសគ្នា។ ប៉ុន្តែប្រសិនបើអ្នកបត់ជើងតូចតិចជាង ២ ឬ ៣ ដងក្នុងមួយថ្ងៃ ឬមិនអាចបត់ជើងបានច្រើនម៉ោង អ្នកគួរតែផឹកទឹកឱ្យបានច្រើនភ្លាមៗ ព្រោះនេះជាសញ្ញាព្រមានថារាងកាយរបស់អ្នកកំពុងខ្វះជាតិទឹក។ ប្រសិនបើអ្នកមិនបានទទួលទានទឹកគ្រប់គ្រាន់ វានឹងបង្កការលំបាកដល់តម្រងនោម ព្រោះពួកគេមិនអាចច្រោះកាកសំណល់ និងបញ្ចេញវាចេញពីរាងកាយបាន។
ស្បែកស្ងួត៖ ការបង្ហាញមួយនៃការខះជាតិទឹក ការខ្វះជាតិទឹក គឺបណ្ដាលឱ្យស្បែកស្ងួត ទោះបីជាអ្នកប្រើក្រែមផ្តល់សំណើម ប៉ុន្តែស្បែកនៅតែស្ងួត។ ដើម្បីឱ្យស្បែករលោងស្អាត អ្នកគួរទទួលទានទឹកឱ្យបានគ្រប់គ្រាន់។ ជាមធ្យមផឹកទឹក ២-៣ លីត្រក្នុងមួយថ្ងៃ។
ឈឺក្បាល៖ អ្នកអាចនឹងភ្ញាក់ផ្អើល ប៉ុន្តែជាច្រើនដង ការឈឺក្បាល គឺបណ្តាលមកពីការខះជាតិទឹក។ ការឈឺក្បាលប្រភេទនេះ គឺខុសគ្នាបន្តិចពីការឈឺក្បាលផ្សេងទៀត។ អ្នកមានអារម្មណ៍ឈឺចាប់កាន់តែខ្លាំង ជាមួយនឹងចលនាណាមួយដូចជា ពេលអ្នកពត់ខ្លួនដើម្បីទទួលអ្វីមួយ ឡើងចុះតាមជណ្តើរ ការឈឺចាប់កាន់តែខ្លាំង។ ការឈឺក្បាលប្រភេទនេះច្រើនតែបណ្តាលមកពីការទទួលទានទឹកមិនគ្រប់គ្រាន់ ឬបែកញើសច្រើនពេក។
បំពង់កស្ងួតក្តៅ៖ ការថយចុះការផលិតទឹកមាត់ នឹងធ្វើឱ្យបំពង់ករបស់អ្នកស្ងួត ជាធម្មតាដោយសារតែខ្វះជាតិទឹក។ ទោះជាយ៉ាងណាក៏ដោយ អ្នកក៏គួរតែយកចិត្តទុកដាក់ចំពោះថ្នាំមួយចំនួននៅពេលប្រើនឹងបណ្តាលឱ្យមានផលប៉ះពាល់អវិជ្ជមាននៃមាត់ស្ងួតដូចជា ថ្នាំប្រឆាំងនឹងអ៊ីស្តាមីន… ត្រូវផឹកទឹកចម្រោះឱ្យបានច្រើនដើម្បីបំពេញបន្ថែម។
ពណ៌ទឹកនោម៖ នៅពេលដែលទឹកនោមរបស់អ្នកមានពណ៌ត្នោតខ្មៅ លឿងខ្មៅ មានពពុះ… វាក៏ជាសញ្ញានៃការខះជាតិទឹកផងដែរ។ អ្នកគួរតែផឹកទឹកឱ្យបានច្រើនភ្លាមៗ នៅពេលដែលរាងកាយមានជាតិទឹកគ្រប់គ្រាន់ ទឹកនោមនឹងថ្លា។ នៅពេលនេះ អ្នកគួរតែបន្ថែមទឹកឱ្យបានគ្រប់គ្រាន់ ដែលរាងកាយរបស់អ្នក ត្រូវការដើម្បីផ្លាស់ប្តូរពណ៌ទឹកនោមរបស់អ្នក។ ប្រសិនបើអ្នកផឹកទឹកគ្រប់គ្រាន់ ហើយពណ៌ទឹកនោមរបស់អ្នកមិនផ្លាស់ប្តូរ នោះអ្នកប្រហែលជាមានស្ថានភាពសុខភាព ដែលគួរតែទៅពិនិត្យក្នុងពេលឆាប់ៗនេះ៕
