ខ្ញីត្រូវប្រើជាយូរលង់ណាស់មកហើយតាមវិធីនានា ដើម្បីបន្ធូរបន្ថយ និងបំបាត់អាការៈឈឺចាប់ផ្សេងៗ ដែលកើតមានក្នុងរាងកាយ។ យ៉ាងណាមិញ ថ្ងៃនេះ យើងខ្ញុំសូមលើកយកវិធីមួយ ដោយប្រើខ្ញីធ្វើជាបង់បិត ដើម្បីបំបាត់អាការៈក្អកស្លេហ្ស យ៉ាងពូកែ និងឆាប់រហ័សបំផុត។
វិធីប្រើខ្ញីបែបនេះគឺដំបូង អ្នកត្រូវមានគ្រឿងផ្សំដូចជា ទឹកឃ្មុំ១ស្លាបព្រាកាហ្វេ ម្សៅខ្ញី ឬ ខ្ញីម៉ត់ ១ស្លាបព្រាបាយ ប្រេងអូលីវ ម្សៅអង្ករ។ អ្នកក៏ត្រូវកា ក្រណាត់មួយបន្ទះ និង បង់ស្អិតផងដែរ។
ការអនុវត្តន៍ ៖ ច្របល់គ្រឿងផ្សំទាំងអស់ចូលគ្នា ហើយយកវាទៅប៉ាត ឬ ចាក់លើក្រណាត់។ យកក្រណាត់នោះមកបិតលើ ខ្នងនិងទ្រូង ហើយយកបង់ស្អិតមកបិតលើដើម្បីអោយវានៅជាប់ខ្លួន។ ទុកចោលប្រហែល៣ម៉ោង ចាំយកចេញ។
សារធាតុល្អៗ ដែលមាននៅក្នុងគ្រឿងផ្សំខាងលើ នឹង ដំណើរការជ្រាបចូលរាងកាយ ទៅកំចាត់ស្លេហ្ស នឹងជួយអោយការដកដង្ហើមត្រឡប់មករកភាពល្អប្រសើរវិញបាន៕