ការប្រើតែគ្រឿងសម្អាង ឬផលិតផលកែច្នៃដែលលក់តាមទីផ្សារ អាចធ្វើឲ្យស្បែកសមែនប៉ុន្តែទោះបីជាស ក៏វាមិនល្អសម្រាប់សុខភាពស្បែកអ្នកដែរ ដោយសារតែវាប្រើថ្នាំគីមី។ យ៉ាងណាក្តី ពេលនេះយើងខ្ញុំសូមណែនាំនូវវិធីសាស្ត្រធម្មជាតិមួយ ដែលមិនប៉ះពាល់សុខភាព ហើយមានប្រសិទ្ធភាព បញ្ចេញភាពស របស់ស្បែកយ៉ាងល្អបំផុត។
អ្វីដែលអ្នកត្រូវការមានតែ ប្រេងដូង ២ ស្លាបព្រាបាយ និង ម្សៅ Baking Soda ១ ស្លាបព្រាបាយ។
សម្រាប់វិធីធ្វើវិញគឺគ្រាន់តែអ្នកយកគ្រឿងផ្សំទាំងពីរមុខទៅលាយបញ្ចូលគ្នារហូតក្លាយជាល្បាយតែមួយអោយឡើងប៉ិៗ រួចយកល្បាយទាំងនោះទៅលាបនៅលើស្បែកហើយធ្វើការម៉ាស្សានិងទុកចោលរយៈពេល ៤នាទី ។ បន្ទាប់មកលាងសំអាតចេញជាមួយទឹកក្ដៅឧណ្ណៗ ហើយចាំម៉ាស្សាថ្នមៗជាមួយ ក្រែមថែរក្សាស្បែក ម្តង់ទៀតជាការស្រេច ។
ម្សៅ Baking Soda កាលណាអ្នកប្រើនឹងធ្វើអោយស្បែករបស់អ្នកស្ងួតជាងមុន តែអ្នកមិនបាច់បារម្ភទេ ព្រោះប្រេងដូងនឹងជួយផ្តល់សំណើមអោយស្បែក បានទៅហើយ៕
