សម្រាប់អ្នកទឹកនោមផ្អែម លំហាត់ប្រាណ និងរបបអាហារត្រឹមត្រូវ ដើរតួសំខាន់ដើម្បីររក្សាទម្ងន់ និងធ្វើឲ្យមានលំនឹងជាតិស្ករនៅក្នុងឈាម។ អ្នកទឹកនោមផ្អែម ងាយធាត់ខ្លាំងណាស់ បើញ៉ាំអាហារជាតិខ្លាញ់ និងកាបូនអ៊ីដ្រាត ច្រើន ជាហេតុដែលនាំឲ្យថ្នាំទឹកនោមផ្អែម ក៏ថយប្រសិទ្ធភាពតាមហ្នឹងដែរ។ ពេលនេះយើងខ្ញុំនឹងប្រាប់ពីការរៀបចំអាហារសម្រាប់អ្នកទឹកនោមផ្អែមឲ្យមានសុខភាពល្អ។
ល្ពៅ៖ ល្ពៅជាជម្រើសដ៏ល្អឥតខ្ចោះដើម្បីរក្សាលំនឹងជាតិស្ករក្នុងឈាមយ៉ាងមានប្រសិទ្ធភាព។ ជាការពិត ផ្លែនេះ ត្រូវបានប្រទេសមួយចំនួនដូចជា ម៉ិកស៊ិក និងអ៊ីរ៉ង់ ប្រើប្រាស់ជាថ្នាំព្យាបាលជំងឺទឹកនោមផ្អែម។ នោះក៏ព្រោះតែផ្លែនេះមានផ្ទុកសារធាតុ Polysaccharides ជាច្រើនដែលមានសមត្ថភាពជួយគ្រប់គ្រងជាតិស្ករក្នុងឈាម ការពារផលប៉ះពាល់នៃជំងឺទឹកនោមផ្អែម។
ផ្កាខាត់ខៀវ៖ ផ្កាខាត់ណាខៀវគឺជាអាហារសម្បូរទៅដោយសារធាតុ Sulforaphane ដែលជា Isothiocyanate ដែលមានលក្ខណៈសម្បត្តិបញ្ចុះជាតិស្ករក្នុងឈាមបែបធម្មជាតិ។ ដូច្នេះ អ្នកកើតជំងឺទឹកនោមផ្អែមអាចញ៉ាំបានទៀងទាត់ ដើម្បីគ្រប់គ្រងកម្រិតជាតិស្ករក្នុងខ្លួនយ៉ាងមានប្រសិទ្ធភាព។
សូកូឡាសុទ្ធ៖ សូកូឡាសុទ្ធ ឬហៅថាសូកូឡាខ្មៅ មានផ្ទុកសារធាតុប្រឆាំងអុកស៊ីតកម្ម។ យោងតាមសមាគមបេះដូងអាមេរិក សូកូឡាសុទ្ធជួយកាត់បន្ថយហានិភ័យនៃជំងឺបេះដូង និងសម្ពាធឈាមខ្ពស់។ ប្រសិនបើអ្នកជំងឺទឹកនោមផ្អែមញ៉ាំសូកូឡាសុទ្ធក្នុងបរិមាណល្មម វានឹងនាំមកនូវអត្ថប្រយោជន៍ដល់សុខភាព។
គ្រាប់ធញ្ញជាតិ៖ ការសិក្សាលើមនុស្ស ២៥ នាក់ដែលមានជំងឺទឹកនោមផ្អែមប្រភេទទី 2 បានបង្ហាញថាការទទួលទានគ្រាប់ធញ្ញជាតិជាប្រចាំដូចជា សណ្តែកដី អាល់ម៉ុន Walnut ជាដើម អាចជួយកាត់បន្ថយការតមអាហារ និងកម្រិតជាតិស្ករក្នុងឈាមក្រោយការតមអាហារ។ ជាលទ្ធផល សុខភាពអ្នកជំងឺទឹកនោមផ្អែមនឹងកាន់តែប្រសើរ។
ផ្លែឈើ៖ ផ្លែឈើគឺជាអាហារសម្រន់មួយសម្រាប់សុខភាពសម្រាប់អ្នកជំងឺទឹកនោមផ្អែម។ អ្នកជំងឺត្រូវជ្រើសរើសផ្លែឈើដែលមានសន្ទស្សន៍ Glycemic ទាបទើបល្អសម្រាប់អ្នកជំងឺ។
អាហារសមុទ្រ៖ អាហារសមុទ្រដូចជាបង្គា មឹក និងត្រីសមុទ្រមានប្រូតេអ៊ីន និងសារធាតុរ៉ែជាច្រើនដែលចាំបាច់សម្រាប់អ្នកដែលមានភាពស្លេកស្លាំង និងជំងឺទឹកនោមផ្អែម។ ជាពិសេស ប្រូតេអ៊ីនគឺចាំបាច់សម្រាប់ការគ្រប់គ្រងជាតិស្ករក្នុងឈាម។ វាជួយបន្ថយការរំលាយអាហារ និងការពារការឡើងជាតិស្ករក្នុងឈាមបន្ទាប់ពីទទួលទានអាហាររួច ព្រមទាំងបង្កើនអារម្មណ៍ឆ្អែត៕
