កាហ្វេ ជាភេសជ្ជៈដែលមនុស្សជាច្រើនមានការពេញនិយមនាពេលបច្ចុប្បន្ន។ យ៉ាងណាក្តី បើអ្នកសង្កេតឃើញថា រាងកាយកំពុងជួបស្ថានភាពបែបនេះ អ្នកគួរបញ្ឈប់ការផឹកកាហ្វេបានហើយ។
អ្នកមានសម្ពាធឈាមខ្ពស់៖ យោងតាមអ្នកជំនាញ អ្នកជំងឺប្រភេទនេះគួរតែឈប់ផឹកកាហ្វេ ព្រោះកាហ្វេអ៊ីនងាយនឹងធ្វើឲ្យសម្ពាធឈាមកើនឡើង។ លើសពីនេះ ការសិក្សាមួយបង្ហាញថា អត្រាលើសឈាមទាក់ទងនឹងអាយុ កើតឡើងលើបុរសដែលផឹកកាហ្វេច្រើន។
ថប់បារម្ភ ញ័រទ្រូង៖ ជាតិកាហ្វេអ៊ីនខ្ពស់ដែលផ្ទុកក្នុងកាហ្វេ ងាយនឹងធ្វើឲ្យប៉ះពាល់ដល់ប្រព័ន្ធប្រសាទ ដូច្នេះសម្រាប់អ្នកមានបញ្ហាដូចជា ថប់បារម្ភច្រើន ឆាប់ញ័រទ្រូង គួរកាត់បន្ថយបរិមាណកាហ្វេតាមដែលត្រូវការ។
គេងមិនលក់ ឈឺក្បាល៖ ប្រសិនបើអ្នករកឃើញថាខ្លួនឯងគេងមិនសូវលក់ គួរឈប់ទម្លាប់ផឹកកាហ្វេរាល់ថ្ងៃចេញទៅ ព្រោះសារធាតុកាហ្វេអ៊ីនធ្វើឲ្យប្រព័ន្ធប្រសាទធ្លាក់ចុះ។
អ្នកញៀននឹងកាហ្វេ៖ ប្រសិនបើអ្នកសង្កេតឃើញថា ខ្លួនឯងធ្លាក់ចូលក្នុងស្ថានភាពអស់កម្លាំង ឈឺក្បាល ងងុយគេង ពេលមិនផឹកកាហ្វេ វាជាសញ្ញាថាអ្នកកំពុងញៀនកាហ្វេហើយ។ នៅចំណុចនេះ អ្នកគួរបញ្ឈប់ការផឹកកាហ្វេមួយរយៈសិន ។ នៅពេលអ្នកសាកល្បងឈប់ផឹកកាហ្វេដំបូងៗ វាអាចពិបាកបន្តិច តែយូរទៅរាងកាយនឹងសម្របបាន។
ឈឺពោះ រាគ៖ ជាមធ្យម បើផឹកកាហ្វេច្រើនជាង 2-3 ពែងក្នុងមួយថ្ងៃ នោះរាងកាយនឹងមិនសម្របក្នុងការសម្អាតពោះវៀន ដែលបណ្តាលឲ្យអ្នកឈឺពោះ និងរាគបាន៕