នៅពេលរក្សាទុកអាហារក្នុងទូទឹកកក វានឹងជួយរក្សាអាហារឱ្យបានយូរ ពន្យារអាយុទុក និងរក្សាអាហារឱ្យនៅស្រស់។ ទោះជាយ៉ាងណាក៏ដោយ មានអាហារជាច្រើននៅពេលរក្សាទុកក្នុងទូទឹកកក អាចបង្កឱ្យមានជំងឺ គំរាមកំហែងដល់សុខភាពមនុស្ស។ មុខម្ហូបទាំង ៣ ខាងក្រោមនេះ អាចបង្កជាមហារីកក្រពេញទីរ៉ូអ៊ីត បើទុកក្នុងទូទឹកកក យើងគួរចៀសវាង។
អាហារជ្រក់ ឬត្រាំ៖ ការទទួលទានអាហារប្រៃ មានហានិភ័យនៃជំងឺមហារីកក្រពះពីរដង បើធៀបនឹងមនុស្សផ្សេងទៀត។ អាហារត្រាំ ឬជ្រក់ នៅតែមានរសជាតិហឹរ ហើយមានសារធាតុ Nitrite ខ្ពស់ ដែលអាចបង្កើត Nitrosamines ក្នុងក្រពះបានយ៉ាងងាយ បង្កជាមហារីក។ មុខម្ហូបនេះ គឺអាក្រក់ខ្លាំងណាស់សម្រាប់មុខងារក្រពេញទីរ៉ូអ៊ីត។ បរិមាណអំបិលច្រើននៅក្នុងផ្លែប័រ នឹងបង្កើនអរម៉ូនទីរ៉ូអ៊ីត ដែលអាចនាំឱ្យកើតជំងឺទូទៅដូចជា Hyperthyroidism, Thyroiditis បង្កើនហានិភ័យនៃជំងឺមហារីកនៅក្នុងផ្នែកនេះ។
គ្រឿងសមុទ្រ៖ អាហារសមុទ្រមានសារធាតុរ៉ែជាច្រើនដូចជា ស័ង្កសី អ៊ីយ៉ូត និងអូមេហ្គា ៣ ដែលល្អសម្រាប់អ្នកជំងឺទីរ៉ូអ៊ីត។ ទោះជាយ៉ាងណាក៏ដោយ អ្នកគួរញុំាតែអាហារសមុទ្រអតិបរមា ២ ដងក្នុងមួយសប្តាហ៍។ ការទទួលទានច្រើនពេក នឹងបង្កើនបរិមាណអ៊ីយ៉ូតក្នុងរាងកាយ បណ្តាលឱ្យមានភាពមិនប្រក្រតីនៃអរម៉ូនទីរ៉ូអ៊ីត បង្កើនហានិភ័យនៃជំងឺ។ ការទុកអាហារសមុទ្រពេញមួយយប់ គឺកាន់តែគ្រោះថ្នាក់។ នៅពេលនេះ ពួកគេបានបាត់បង់សារធាតុ មាតិកាប្រូតេអ៊ីនត្រូវបានថយចុះ ការញុំានឹងធ្វើឱ្យខូចថ្លើម តម្រងនោម និងក្រពេញទីរ៉ូអ៊ីត។ ដូច្នេះហើយត្រូវរៀបចំអាហារទាំងនេះឱ្យបានគ្រប់គ្រាន់ ចៀសវាងពេលយប់ដើម្បីការពារសុខភាពគ្រួសារ ។
សាច់កែច្នៃ៖ សាច់កែច្នៃ ដូចជាសាច់ក្រក ប្រហិត គឺជាសាច់គ្រប់ប្រភេទ ដែលស្ត្រីមេផ្ទះជាច្រើនទិញទុកក្នុងទូទឹកកក។ មនុស្សជាច្រើនជឿថា មុខម្ហូបសាច់នេះមិនងាយមានក្លិនស្អុយដូចអាហារស្រស់ៗផ្សេងទៀតទេ ដូច្នេះហើយអាចទិញយកទៅដាក់ក្នុងទូរទឹកកកបានយូរតាមដែលអ្នកចង់បាន។ ប៉ុន្តែការទុកសាច់កែច្នៃក្នុងទូទឹកកក ហើយញុំាច្រើនថ្ងៃអាចធ្វើឱ្យគ្រួសារអ្នកប្រឈមនឹងជំងឺមហារីក ជាពិសេសមហារីកក្រពេញទីរ៉ូអ៊ីត។ មូលហេតុដែលសាច់កែច្នៃបណ្តាលឱ្យកើតមហារីក គឺដោយសារតែពួកវាច្រើនតែត្រូវបានផ្សំ ជាមួយសារធាតុបន្ថែមជាច្រើន ដើម្បីបង្កើតរសជាតិ និងអាចរក្សាទុកបានយូរ។ សាច់ទាំងនេះក៏ត្រូវបានពង្រឹងយ៉ាងខ្លាំងជាមួយនឹងអំបិលផងដែរ។ បើញុំាជាប្រចាំមុខម្ហូបនេះអាចបណ្ដាលឱ្យខូច DNA ហានិភ័យនៃជំងឺមហារីកក្រពេញទីរ៉ូអ៊ីតខ្ពស់ណាស់។ បន្ថែមពីលើហានិភ័យនៃជំងឺមហារីកក្រពេញទីរ៉ូអ៊ីត ការញុំាសាច់កែច្នៃដូចជា Bacon និងសាច់ត្រជាក់អាចបង្កើនហានិភ័យនៃជំងឺមហារីកក្រពះ និងពោះវៀនធំ៕
