ចង់បានចង្កេះតូចមួយក្តាប់ ចាំបាច់ហត់ទៅហាត់ប្រាណនាំហត់ធ្វើអ្វី ភេសជ្ជៈ៤ប្រភេទនេះជួយបាន។
ទឹកក្រូចឆ្មា៖ ទឹកក្រូចឆ្មាផ្តល់វីតាមីន C ដែលជួយដុតកម្លោចកម្រិតកោសិកា បំផ្លាញខ្លាញ់នៅបរិវេណចង្កេះ ដែលមិនងាយឲ្យធាត់ឡើយ។ លើសពីនេះ ការសិក្សាបានបង្ហាញថា រាងកាយសម្បូរដោយវីតាមីន C នឹងមិនងាយធាត់ឡើយ ពិសេសមុនពេលចូលគេង នឹងពង្រឹងប្រព័ន្អភាពស៊ាំ ជួយសម្រួលស្មារតី កាត់បន្ថយការហើមពោះ ជួយឲ្យគេងលក់ស្រួល។
ទឹកត្រសក់៖ វាផ្ទុកកាឡូរីទាបបំផុត ដែលល្អសម្រាប់ការមិនងាយឡើងគីឡូ សម្បូរជាតិទឹក និងកាកសសៃ ។ ពិសេស នៅពេលផឹកពេលល្ងាច ជួយឲ្យប្រព័ន្ធមេតាបូលីសឹមសកម្ម ដុតកម្លោចកាឡូរី ធ្វើឲ្យមានអារម្មណ៍ថាឆាប់ឆ្អែត ដែលជួយឲ្យអ្នកហូបអាហារពេលល្ងាចបានតិច។
ទឹកខ្ញី៖ ខ្ញីផ្ទុកដោយ Gingerol ដែលជួយបង្កើនកម្រិត PH ក្នុងក្រពះ គ្រប់គ្រងជាតិស្ករក្នុងឈាម និងកម្រិតកូឡេស្តេរ៉ុលក្នុងរាងកាយផងដែរ។ លើសពីនេះ វាជួយរារាំងអរម៉ូនខ្លាញ់ កាត់បន្ថយជាតិខ្លាញ់លើសក្នុងពោះ និងជម្រុញប្រព័ន្ធរំលាយអាហារឲ្យដំណើរការយ៉ាងមានប្រសិទ្ធភាព។
ទឹកផ្លែក្រូចថ្លុង៖ ផ្លែឈើនេះ មានប្រសិទ្ធភាពជួយសម្រួលដល់ការបន្ទោរបង់ សម្រួលសសៃឈាម សម្រកទម្ងន់បានល្អ យោងតាមការសិក្សាបង្ហាញថា ផឹកទឹកក្រូចថ្លុងរយៈពេល 12 សប្តាហ៍ អ្នកអាចស្រកគីឡូបានយ៉ាងមានប្រសិទ្ធភាព។ លើសពីនេះ ក្រូចថ្លុងផ្ទុកដោយវីតាមីន C ដែលជួយកាត់បន្ថយស្នាមអុជខ្មៅ និងធ្វើឲ្យស្បែកភ្លឺថ្លា៕