តើអ្នកចូលចិត្តទឹកប៉េងប៉ោះអត់? មិត្តនារីជាច្រើនដែលចូលចិត្តភាពស្រស់ស្អាតតែងតែផឹកទឹកប៉េងប៉ោះដើម្បីរក្សារាងកាយឱ្យមានសុខភាពល្អ និងស្បែកស្រស់ស្អាត។ ការសិក្សារបស់ប្រទេសជប៉ុនបានរកឃើញថា អត្រានៃការស្រូបយកសារធាតុចិញ្ចឹមនៅក្នុងទឹកប៉េងប៉ោះមានភាពខុសប្លែកគ្នាយ៉ាងខ្លាំង អាស្រ័យលើពេលដែលទទួលទាន។
ដោយសារមានច្បាប់ទម្លាប់មួយចំនួនសម្រាប់ការរំលាយអាហារ ការស្រូបយក និងការរំលាយអាហារសារធាតុចិញ្ចឹមនៅក្នុងរាងកាយ ពេលវេលានៃការរំលាយអាហារ និងការស្រូបយកសារធាតុចិញ្ចឹមផ្សេងៗគ្នាអាចនឹងខុសគ្នា។ ការទទួលទានពេលព្រឹកព្រលឹមជាពេលល្អបំផុត។
ការសាកល្បងបានធ្វើឡើងជាមួយមនុស្សពេញវ័យដែលមានសុខភាពល្អចំនួន 23 នាក់ ។ មនុស្សមួយក្រុមនេះត្រូវបានគេផ្តល់ទឹកប៉េងប៉ោះ ១៦០ ក្រាម នៅពេលព្រឹក ថ្ងៃត្រង់ និងពេលល្ងាច ។
បន្ទាប់ពីទទួលទានម្តងៗ អ្នកជំនាញនឹងពិនិត្យកម្រិតនៃសារធាតុ Lycopene ក្នុងឈាម។ លទ្ធផលបង្ហាញថា ការផឹកទឹកប៉េងប៉ោះនៅពេលព្រឹក មានប្រសិទ្ធភាពល្អបំផុត អត្រាស្រូបចូលគឺជិតបីដងនៃពេលល្ងាច ហើយមិនសូវជាបានផលនោះទេ បើទទួលទាននៅពេលរសៀល។
ឥទ្ធិពលនៃទឹកប៉េងប៉ោះគឺវាអាចការពារជំងឺមហារីក ល្អសម្រាប់បេះដូង។ ប៉េងប៉ោះសម្បូរទៅដោយសារធាតុ Lycopene ដែលមានសមត្ថភាពប្រឆាំងអុកស៊ីតកម្មខ្លាំង អាចការពារជំងឺសរសៃឈាម បង្កើនភាពស៊ាំ ធ្វើអោយប្រសើរឡើងនូវការរំលាយអាហារ និងជំរុញការដុតបំផ្លាញជាតិខ្លាញ់ថែមទៀត។
លើសពីនេះ ប្រសិទ្ធភាពប្រឆាំងអុកស៊ីតកម្មអាចប្រឆាំងនឹងស្នាមជ្រួញ និងស្នាមអុជខ្មៅនៅលើស្បែក។ ទឹកប៉េងប៉ោះមានអត្ថប្រយោជន៍ជាច្រើនចំពោះសុខភាព ហើយឥទ្ធិពលប្រឆាំងអុកស៊ីតកម្មនៃសារធាតុ Lycopene ក៏អាចជួយកាត់បន្ថយហានិភ័យនៃជំងឺមហារីកផងដែរ។ ការទទួលទានសារធាតុ Lycopene 25 ក្រាមក្នុងមួយថ្ងៃអាចការពារជំងឺមហារីកសុដន់យ៉ាងមានប្រសិទ្ធភាព។ លើសពីនេះ វាក៏មានឥទ្ធិពលក្នុងការការពារមហារីកលំពែង និងមហារីកប្លោកនោមផងដែរ ។
សារធាតុចិញ្ចឹមសំខាន់ៗនៅក្នុងទឹកប៉េងប៉ោះដែលជួយដល់សុខភាពបេះដូងរួមមានប៉ូតាស្យូម វីតាមីន C និងវីតាមីន E។ ប៉ូតាស្យូមគឺត្រូវការដើម្បីរក្សាសម្ពាធឈាមដោយកាត់បន្ថយជាតិសូដ្យូមលើសនៅក្នុងខ្លួន។ Lycopene ជួយពង្រឹងសរសៃឈាម និងបន្ថយកូឡេស្តេរ៉ុលក្នុងឈាម។ បុរស និងស្ត្រីដែលប្រឈមនឹងជំងឺសរសៃឈាមបេះដូង ដែលផឹកទឹកប៉េងប៉ោះគ្មានជាតិអំបិល ទទួលបានអត្ថប្រយោជន៍ពីការថយចុះសម្ពាធឈាម និងបន្ថយកូលេស្តេរ៉ុលបានផងដែរ៕
