មិត្តនារីៗជាច្រើនណាស់ដែលកំពុងតែភ័យខ្លាចចំពោះការស្លៀកពាក់ ជាពិសេសអាវវាល និងរ៉ូបវាលក្លៀកដោយសារតែបញ្ហាក្លៀកខ្មៅ ស្បែកគ្រើមមិនស្អាត។ សម្រាប់បញ្ហាបែបនេះ មិនមែនទើបតែកើតឡើងនោះទេ ដោយសារតែត្រូវនឹងពន្លឺព្រះអាទិត្យខ្លាំងពេក ការប្រតិកម្មជាមួយការប្រើប្រាស់គ្រឿងសម្អាងគ្មានគុណភាព បណ្តាលឲ្យស្បែកក្រោះខូច។ ប៉ុន្តែ កុំបារម្ភ យើងមានវិធីព្យាបាលដោយខ្លួនឯងយ៉ាងសាមញ្ញដែលអ្នក អាចអនុវត្តបាននៅផ្ទះដោយខ្លួនឯងបាន ដើម្បីឲ្យក្លៀក ស និងបំបាត់ស្នាមគ្រើមលើស្បែកក្លៀក ត្រឡប់មកមានសភាពភ្លឺថ្លា ឡើងវិញបាន។
យើងខ្ញុំសូមណែនាំពីរបៀបធ្វើម៉ាសផ្សំពីគ្រឿងធម្មជាតិអប់ស្បែកក្លៀកឲ្យស បំបាត់ស្នាមគ្រើមស្បែកក្លៀកងាយៗ ចំណាយលុយតិច ត្រឹម ប្រើប្រាស់ដែលមាននៅក្នុងផ្ទះ។ អ្នកអាចអនុវត្តម៉ាសនេះរយៈ ៣ ទៅ៤ដង ក្នុងមួយសប្តាហ៍ នោះបញ្ហាក្លៀកខ្មៅនឹងប្រសើរឡើងភ្លាមៗ គួរជាទីគាប់ចិត្ត។
បៀបធ្វើម៉ាសអប់ស្បែកក្លៀកបែបធម្មជាតិគឺអ្នកត្រូវការគ្រឿងផ្សំដូចជា ថ្នាំដុសធ្មេញ ម្សៅ Baking Soda ទឹកឃ្មុំធម្មជាតិស្រស់ និងផ្លែក្រូចឆ្មារចិតចំណិត។
ចំពោះរបៀបលាយលាបលើស្បែកក្លៀកគឺដោយគ្រាន់តែអ្នកប្រើគ្រឿងទាំង៤ មុខលាយបញ្ចូលគ្នាហើយ លាបលើស្បែកក្លៀកទុកចោល ១០-១៥នាទី រួចលាងសម្អាតនិងទឹកស្អាតជូតឲ្យស្ងួត ហើយអាចប្រើជាមួយឡេជំនួយស្បែកក្លៀក ឬសារ៉ូបន្ថែមបានកាន់តែល្អ។
នៅពេលដែលលាបម៉ាសអប់ស្បែកក្លៀក តាមវិធីផ្សំពីធម្មជាតិនេះ សូមកុំប្រើកម្លាំងដៃធ្ងន់ៗ ឬជូតខ្លាំងៗនៅលើស្បែកក្លៀក គឺគ្រាន់តែយកល្បាយម៉ាសមកលាបថ្នមៗ លើស្បែកក្លៀក ឬយកសំឡីមកដាក់ទ្រាប់ប្រើជាមួយក៏បាន៕
