តើអ្នកចង់អោយសក់ឆាប់វែង និងដុះបានក្រាស់ដែរទេ? ការមានសក់វែង ក្រាស់ឃ្មឹក គឺជាអ្វីដែលនារីគ្រប់រូបប្រាថ្នាចង់បាន ព្រោះវាពិតជាធ្វើអោយពួកនាងមានភាពទាក់ទាញ។
ជាការពិត នារីឥណ្ឌាពិតជាមានសក់ក្រាស់ និងវែងល្អណាស់ យើងជឿថាអ្នកក៏ចាប់អារម្មណ៏ឃើញថាអីញ្ចឹងដែរ។
បើអ្នកពិតជាចង់បានសក់វែងក្រាស់បែបនេះ យើងខ្ញុំសូមណែនាំរូបមន្តពិសេសពីឥណ្ឌា ដែលអ្នកអាចធ្វើវាបាន និង ទទួលបានលទ្ធផលយ៉ាងល្អ។
តើរូបមន្តទាំងនោះមានអ្វីខ្លះទៅ?
អប់សក់ជាមួយប្រទាលកន្ទុយក្រពើ ៖ កាត់ប្រទាលកន្ទុយក្រពើពីរ ឬបីសន្លឹក បន្ទាប់មកចិតសំបកអោយស្អាត រួចច្របាច់ ឬយកស្លាបព្រាកិនរហូតដល់ម៉ដ្ឋច្រោះយកទឹក។ អ្នកត្រូវយកទឹករបស់វាទៅម៉ាស្ស៉ានៅគល់សក់ដើម្បីអោយជ្រាបចូលក្នុងឬសសក់។ ទុកចោលហោចណាស់ក៏ពីរម៉ោងដែរ ហើយលាងក៏បានដោយមិនដាច់ប្រើសាប៊ូកក់សក់ទេ។
បន្ថែមប្រ៉ូតេអ៊ីនដល់ស្បែកក្បាលដោយពងទាស៖ យកពងទាពីរគ្រាប់ ហើយគោះយកតែផ្នែកស និងវ៉ៃអោយបែក ហើយយកទៅម៉ាស្ស៉ាស្បែកក្បាល។ ដើម្បីអោយកាន់តែមានប្រសិទ្ធភាពអ្នកអាចរុំសក់ជាមួយនឹងមួកផ្លាស្ទិកប្រហែលជា២០នាទី បន្ទាប់មកលាងចេញជាមួយទឹកធម្មតា។
លាងសក់ជាមួយនឹងទឹកខ្មេះប៉ោម៖ កក់សក់របស់អ្នកអោយស្អាត។ ជំនួសដោយការប្រើក្រែមបន្ទន់សក់ អ្នកត្រូវប្រើទឹកខ្មេះប៉ោមវិញ ហើយមិនបាច់លាងចេញទេព្រោះទឹកខ្មេះប៉ោមគ្មានក្លិនផ្សារដូចទឹកខ្មេះធម្មតាឡើយ។
អនុវត្តន៍ប៉ុន្មានវិធីខាងលើនេះ សក់របស់និងដុះក្រាស់ ហើយវែង រហូតអ្នកភ្ញាក់ផ្អើលជាមិនខាន៕