ការទុកពុកមាត់ និងពុកចង្កាវែងខុសពីធម្មតា ជាចំណង់ចំណូលចិត្តរបស់បុរសៗ ទៅតាមការចង់បានរបស់ពួកគេ ប៉ុន្តែវាក៏បានផ្តល់នូវគុណសម្បត្តិ និងគុណវិបត្តិផងដែរ។
យោងតាមការសិក្សាបានបង្ហាញថា ពុកមាត់អាចការពារម្ចាស់របស់វាពីកាំរស្មី UV ដែលមានគ្រោះថ្នាក់ រហូតដល់ទៅ ៩៥ ភាគរយ។ ពុកមាត់ នឹងមិនអាចការពារពន្លឺព្រះអាទិត្យបានឡើយ ប៉ុន្តែវាអាចទប់ស្កាត់កាំរស្មី UV បាន។ ចំណែកឯរោមមុខ អាចជួយការពារ ប្រឆាំងនឹងជំងឺមហារីកស្បែក និងផ្លាស់ប្ដូរ ទម្រង់មុខ របស់អ្នកទៀតផង។
ទោះជាយ៉ាងណាក្តី ពុកចង្កា និងពុកមាត់ច្រើនពេក ក៏អាចបណ្តាលឱ្យឆ្លងជំងឺស្បែក និងបាក់តេរីទៅអ្នកដទៃ តាមរយៈការថើប ប៉ះពាល់ ឬសកម្មភាពនានានា ដែលធ្វើឱ្យមានភាពងាយស្រួលសម្រាប់បាក់តេរីរស់នៅ ព្រមទាំងវិវត្តខ្លួនរបស់ពួកវាកាន់តែលឿន។
ចំពោះការទុកពុកមាត់ ពុកចង្កាបុរសៗនេះ ត្រូវបានអ្នកជំនាញព្រមានថា វាជាជម្រកនៃរាប់ពាន់បាក់តេរី ដែលបង្កគ្រោះថ្នាក់។
ជាពិសេស សម្រាប់អ្នកដែលមានទម្លាប់ស្បូតពុកចង្កា គឺបាក់តេរីអាចផ្លាស់ទីងាយស្រួលតាមរយៈដៃទៅមាត់ និងមុខ ហើយអាហារមួយចំនួននៅជាប់នឹងពុកចង្ការនៅពេលបរិភោគ ដែលបណ្តាលឱ្យមានក្លិនមិនល្អផងដែរ។
តាមការពិសោធន៍ បានបង្ហាញថា បើទោះបីជាពុកចង្កានេះស្អាតក៏ដោយ ក៏ប៉ុន្តែបាក់តេរី ដែលនៅរស់រានមានជីវិត និងអាចឆ្លងទៅមនុស្សផ្សេងទៀត៕
