ឃ្លោក ជាបន្លែហូបផ្លែដែលសម្បូរវីតាមីន និងសារធាតុចិញ្ចឹមដូចជា វីតាមីន A, B, C និង ម៉ង់ហ្គាណែត ម៉ាញ៉េស្យូម កាល់ស្យូម ជាតិដែក ប៉ូតាស្យូម អ៊ីយ៉ូត និងជាតិសរសៃជាដើម។
វីតាមីន និងសារធាតុចិញ្ចឹមនៅក្នុងផ្លែឃ្លោក បានផ្ដល់សារៈប្រយោជន៍ដល់អ្នកទទួលទានដូចខាងក្រោម។
ជួយការពារ និងបន្ថយជាតិអាស៊ីតក្នុងក្រពះ
ការពារជំងឺរលាក និងដំបៅក្រពះពោះវៀន
ជួយសម្រកទម្ងន់ និងរក្សាទម្ងន់ឱ្យនៅឋេរ
ជំនួយស្មារតី និងពង្រឹងសុខភាពផ្លូវចិត្ត
ជួយឲ្យស្បែក និងសក់មានសុខភាពល្អ
បំបាត់បញ្ហារំលាយអាហារ
ព្យាបាលដំបៅក្រពះ
គ្រប់គ្រងជំងឺទឹកនោមផ្អែម
បន្ថយសម្ពាធឈាមផងដែរ
បន្ថែមពីលើនេះដែរ ដើម្បីកាត់បន្ថយជាតិអាស៊ីតក្នុងក្រពះ លោកអ្នកត្រូវយកទឹកស្លឹកឃ្លោកស្រស់ ២ ទៅ ៣ ស្លាបព្រាបាយ លាយជាមួយស្រា-ស ក្នុងបរិមាណស្មើគ្នា រួចពិសាជាការស្រេច។ ក្រៅពីនេះទៀត លោកអ្នកអាចយកទឹកស្លឹកឃ្លោក លាបលើស្បែក ដើម្បីព្យាបាលស្នាមជាំ ហើម ពងបែក និងជំងឺរើមផងដែរ៕