មែនហើយនៅសម័យនេះ លោកអ្នកប្រហែលពុំសូវមានពេលថែរក្សាសក់ទេ ដោយសារភាពរវល់ក្នុងជីវភាពប្រចាំថ្ងៃ។
សក់មនុស្សយូរៗទៅនឹងជ្រុះស្ទើរតែទំពែក នៅពេលវ័យកាន់តែចម្រើន ហើយផ្អែកតាមវិទ្យាសាស្ត្រ មនុស្សវ័យកណ្តាលជ្រុះសក់ជាមធ្យម ៨០ ទៅ ១០០ សរសៃរាល់ថ្ងៃ។
ដូច្នេះកាលណាសក់ជ្រុះញឹកពេកទៅ លោកអ្នកច្បាស់ជាគិតអំពីក្បាលទំពែកទៅថ្ងៃមុខជាមិនខាន ប៉ុន្តែឈប់បារម្ភទៅ យើងខ្ញុំសូមណែនាំនូវវិធីធម្មជាតិដែលជួយដល់ការជ្រុះសក់នោះគឺ ពងមាន់។
វិធីធ្វើនោះ មានដូចជា៖
ពងមាន់ ជាមួយ ក្រូចឆ្មា
គោះពងមាន់២គ្រាប់ដាក់ចូលចាងចង្កឹះ លាយជាមួយទឹកក្រូចឆ្មា២ស្លាបព្រាបាយ។ លាយឱ្យសព្វ រួចម៉ាស្សាលើស្បែកក្បាលឱ្យសព្វ (សក់ត្រូវសើម)។ ទុកចោល ៣០ ទៅ ៤០ នាទី។ បន្ទាប់មកយកទឹកកកត្រជាក់ស្រេប លាងស្បែកក្បាលចេញជាការស្រេច។
សារធាតុអង់ទីអុកស៊ីដង់និងសារធាតុចិញ្ចឹមជាច្រើនទៀតនឹងជួយជំរុញលំហូរឈាមដល់ស្បែកក្បាលនិងជួយជំរុញដល់ការដុះសក់។ អនុវត្តបែបនេះ៣ទៅ៤ដងក្នុងមួយសប្តាហ៍។
ពងមាន់ ជាមួយ ទឹកដោះគោជូរ
លាយពងមាន់១គ្រាប់និងទឹកដោះគោជូរ២ស្លាបព្រាបាយបញ្ចូលគ្នាឱ្យសព្វ ហើយម៉ាស្សាលើស្បែកក្បាលឱ្យសព្វ រួចទុកចោល ៣០ នាទីសឹមលាងទឹកសម្អាតចេញជាការស្រេច។
ទឹកដោះគោជូរសម្បូរវីតាមីន ហើយវានឹងជួយពង្រឹងឫសកែវរបស់សក់។ អនុវត្ត៣ទៅ៤ដងក្នុងមួយសប្តាហ៍៕
