សារព៌តមាន BBC បានផ្សព្វផ្សាយពីទម្រង់ថ្មីនៃពានរង្វាន់ UEFA Champions League ដែលគ្រោងនឹងអនុម័តជាផ្លូវការនៅពេលឆាប់ៗនេះ ដោយវានឹងប្រើប្រាស់ជាផ្លូវការនៅឆ្នាំ២០២៤ ប្រសិនបើមានការឯកភាព។
ក្នុងទម្រង់ថ្មីនេះនឹងបង្កើនក្រុមចូលប្រកួត៤ក្រុមទៀតពី៣២ក្រុមទៅ ៣៦ក្រុម ដោយក្នុងនោះមាន២ក្រុមនឹងចូលដោយលក្ខខ័ណ្ឌពិសេស ដែលមើលតាមប្រវត្តិសាស្ត្រនៅ UEFA Champions League របស់ក្លឹប ប្រសិនបើក្លឹបនោះមិនអាចជាប់តាមតារាងនៅក្នុងលីគ។
ក្រុមនីមួយៗនឹងលេងតែ១០ប្រកួតប៉ុណ្ណោះដែលគូប្រកួតប៉ះគ្នា ដោយគិតមើលតាមសមត្ថភាពរៀងៗខ្លួន។ ការរៀបចំត្រង់ចំណុចហាក់មិនទាន់បញ្ចេញច្បាស់នៅឡើយ។ ចំពោះលទ្ធផលចេញមកគឺរបៀបជាលីគ ដោយក្រុមពីលេខ ១ ដល់លេខ ៨ នឹងឡើងទៅវគ្គ ១៦ក្រុមចុងក្រោយដោយស្វ័យប្រវត្តិ ហើយក្រុមពីលេខ ៩ ដល់លេខ ២៤ នឹងលេងជារបៀប Play-Off ដើម្បីដណ្ដើមយក ៨កៅអីទៀត។ ក្រៅពីនេះ ប្រកួតចាញ់ ធ្លាក់ពីវគ្គ១៦ក្រុមចុងក្រោយ ដល់វគ្គផ្ដាច់ព្រ័ត្រនឹងរក្សាទុកនៅដដែល៕
