ខ្សែប្រយុទ្ធ Diego Costa បាននិយាយកាលពីពេលថ្មីៗនេះថា ខ្សែប្រយុទ្ធអ៊ុយរុយហ្គាយកីឡាករ Luis Suarez នឹងក្លាយជាដៃគូដ៏ល្អរបស់ខ្លួន ដោយសារតែម្នាក់ពូកែខាំ (សំដៅលើ Suarez) ហើយម្នាក់ទៀតពូកែវ៉ៃ (សំដៅលើ Costa ខ្លួនឯង)។
កីឡាកររូបនេះបាននិយាយថា៖ ” Suarez ល្អណាស់ ដូចបំពេញគ្នាក្នុងដៃគូប្រយុទ្ធរបស់ ATM តែម្ដង ដោយសារតែ ក្នុងចំណោមយើងម្នាក់ពូកែវ៉ៃ ហើយម្នាក់ទៀតពូកែខាំ ” ។
Costa បានបន្តថា៖ ” ខ្ញុំនៅតែអត់យល់ថា ម៉េចបាន Barcelona ឲ្យគេចេញទេ ” ។
សូមរំលឹកផងដែរថា Costa និង Suarez សុទ្ធតែមានកេរ្តិ៍ឈ្មោះរឿងលេងកាចៗនៅលើទីលាននាពេលកន្លងមក។ យ៉ាងណាមិញ ក្នុងប្រកួតដំបូងរបស់ខ្លួននៅ ATM កីឡាករ Suarez បានលេងតែ ២០នាទីទេ តែរកបាន ២គ្រាប់ និង Assist បានម្ដង៕