សក់គឺជាផ្នែកមួយក្នុងការជួយលើកកម្ពស់សម្រស់ឲ្យកាន់តែមានភាពទាក់ទាញថែមមួយកម្រិតទៀត។
![](https://yourhealthkh.com/wp-content/uploads/2021/09/1-47.jpg)
.
បញ្ហាមានសក់ស្តើង សក់ខ្លី គឺជាកង្វល់របស់មនុស្សគ្រប់ៗគ្នា ពីព្រោះមិនថាអ្នកជ្រើសរើសស្តាយម៉ូដសក់បែបណាទេ សក់របស់អ្នកមើលទៅស្តើង និងមិនស្រួលក្នុង តុបតែងសោះ។ ជារឿងធម្មតាទៅហើយ សម្រាប់សុខភាពសក់ដែលវាអាចបណ្តាលមកពីការថែទាំ ឬផលប៉ះពាល់នានាក្នុងការរស់នៅប្រចាំថ្ងៃ តែវាមិនមែនជារឿងដែលអ្នកត្រូវព្រួយបារម្ភខ្លាំងនោះទេ។
ប្រសិនបើអ្នកពិតជាចង់បានសក់វែងយ៉ាងស្រស់ស្អាតមែន មិនចាំបាច់ទៅណាឆ្ងាយទេ សូមត្រៀមប៊ិក និង ក្រដាស ហើយកត់រូបមន្តខាងក្រោមនេះ។
អប់សក់ជាមួយប្រទាលកន្ទុយក្រពើ៖ កាត់ប្រទាលកន្ទុយក្រពើពីរ ឬបីសន្លឹក ហើយ ចិតសំបកអោយស្អាត រួចច្របាច់ ឬយកស្លាបព្រាកិនរហូតដល់ម៉ដ្ឋច្រោះយកទឹក។ សូមយកទឹករបស់វាទៅម៉ាស្ស៉ានៅគល់សក់ដើម្បីអោយជ្រាបចូលក្នុងឬសសក់។ ទុកចោលពីរម៉ោង ឬបើអ្នកខ្ជិលលាងសក់អាចទុកមួយយប់ចាំលាងសម្អាតនៅព្រឹកក៏បានដោយមិនដាច់កក់សាប៊ូទេ។
លាងសក់ជាមួយនឹងទឹកខ្មេះប៉ោម៖ កក់សក់របស់អ្នកអោយស្អាត ហើយជំនួសដោយការប្រើក្រែមបន្ទន់សក់ អ្នកត្រូវប្រើទឹកខ្មេះប៉ោមវិញ។ មិនបាច់លាងចេញទេព្រោះទឹកខ្មេះប៉ោមគ្មានក្លិនផ្សារដូចទឹកខ្មេះធម្មតាឡើយ។
បន្ថែមប្រ៉ូតេអ៊ីនដល់ស្បែកក្បាលដោយពងទា៖ យកពងទាពីរគ្រាប់ ដោយគោះយកតែផ្នែកស និងវ៉ៃអោយបែក ហើយយកទៅម៉ាស្ស៉ាស្បែកក្បាល។ ដើម្បីអោយកាន់តែមានប្រសិទ្ធភាពអ្នកអាចរុំសក់ជាមួយនឹងមួកផ្លាស្ទិកប្រហែលជា២០នាទី បន្ទាប់មកលាងចេញជាមួយទឹកធម្មតា៕