អ្នកគ្រូ ស៊ីផូ រស់នៅភូមិព្រៃដាច់ខេត្តបាត់ដំបង គាត់បានប្រាប់ថា វិធីញ៉ាំផ្លែចេក១ថ្ងៃ២ផ្លែ បានជួយគាត់ពីជំងឺក្រពះពិតមែន!
អ្នកគ្រូ ស៊ីផូ គឺជាប្រធានអង្គការកុមារកំព្រាដើម្បីក្មេងកម្ពុជា ដែលស្ថិតនៅភូមិព្រៃដាច់ ឃុំអូរតាគី ខេត្តបាត់ដំបង គាត់បានបង្ហើបប្រាប់ថា កាលដើមឡើយ គាត់ឈឺក្រពះ ចុកឆ្អល់ពិបាកទ្រាំណាស់ ហើយក្រោយមកគាត់បានរកឃើញព័ត៌មានមួយដែលគេនិយាយពីការញុាំចេកព្យាបាលក្រពះ ។
ថ្ងៃទី១មួយគាត់សាកល្បងញុាំចេកខ្ចីនៅពេលព្រឹក ស្រាប់តែមានអារម្មណ៍ថា អាការៈឈឺក្រពះដូចជារៀងធូរស្រាល ហើយគាត់ក៏បន្តធ្វើដដែលៗជាប់គ្នារយៈពេល១ខែក៏បានផលពិតៗ។
ដូច្នេះនៅថ្ងៃនេះ Yourhealthkh.com ចង់លាតត្រដាងវិធីបរិភោគចេក ១ថ្ងៃ ២ផ្លែបានជួយអ្វីខ្លះដល់អ្នក!
ចេកគឺជាដំណាំដែលមានតម្លៃទី៤ទូទាំងពិភពលោក ហើយត្រូវបានគេដាំហោចណាស់នៅក្នុង១០៧ប្រទេសដែរ។ ដើម្បីសុខភាពល្អ ជាទូទៅក្នុងមួយថ្ងៃ មនុស្សម្នាក់ត្រូវការប៉ូតាស្យូមចំនួន៣៥០០ទៅ៤៧០០មីលីក្រាម។ ឯចេកចំនួនពីរផ្លែ អាចផ្ដល់ប៉ូតាស្យូមដល់ទៅ៩០០មីលីក្រាមឯណោះ។
២.ជំនួយសម្ពាធឈាម និងបេះដូង
មនុស្សភាគច្រើនទទួលទានសូដ្យូមច្រើនជាងប៉ូតាស្យូម ដែលនេះបណ្ដាលឲ្យចំនួនប៉ូតាស្យូម និងសូដ្យូមមិនស្មើគ្នា ហើយធ្វើឲ្យសម្ពាធឈាម មានបញ្ហា។ ការទទួលទានចេកចំនួន២ផ្លែក្នុងមួយថ្ងៃ វានឹងជួយកាត់បន្ថយបញ្ហានេះ
៣.កាត់បន្ថយហានិភ័យនៃជំងឺមហារីក
ចេក មានផ្ទុកវីតាមីនC ដែលជាភ្នាក់ងារសំខាន់ក្នុងការប្រឆាំងនឹងអុកស៊ីតកម្ម ដែលអាចធ្វើឲ្យយើងកើតជំងឺមហារីក។ ម្យ៉ាងទៀត ជាតិសរសៃហ្វាយបឺរ (Fiber) ដែលមាននៅក្នុងចេក ក៏អាចកាត់បន្ថយហានិភ័យក្នុងការកើតជំងឺមហារីកពោះវៀនធំផងដែរ។
៤.បំបាត់ការឈឺក្រពះ
ចេកអាចជួយសម្រួលដល់ប្រព័ន្ធរំលាយអាហារ។ ប៉ូតាស្យូម និងជាតិហ្វាយបឺរដែលមាននៅក្នុងចេក វានឹងទៅជួយផ្លាស់ទីអាហារទៅក្នុងបំពង់រំលាយអាហារ។ ហេតុនេះហើយ ទើបអ្នកដែលឈឺក្រពះត្រូវញ៉ាំចេកឲ្យបានច្រើន។
៥.ផ្ទុកជាតិស្ករជិត៣០ក្រាម
ជាតិស្ករដែលនៅក្នុងចេកនោះ អ្នកមិនអាចរកបាននៅក្នុងប្រភេទផ្លែឈើដទៃទៀតនោះទេ។
តែមិនគួរញ៉ាំ២ផ្លែ ចំពោះអ្នកដែលប្រើប្រាស់ថ្នាំលើសឈាមឈ្មោះ បេតាប្លក់ឃឺរ (Beta Blocker ជាថ្នាំបញ្ចុះសម្ពាធឈាម និងជំងឺបេះដូង) មិនគួរញ៉ាំចេកមួយថ្ងៃ២ផ្លែឡើយ ព្រោះថាវាមានប្រតិកម្មជាមួយនឹងអាហារណាដែលផ្ទុកជាតិសូដ្យូមច្រើន។
ចេកមិនត្រូវបានគេរាប់ចូលទៅក្នុងប្រភេទអាហារគ្រោះថ្នាក់នោះទេ អ្នកអាចញ៉ាំចេក៧ ឬ៨ផ្លៃក្នុងមួយថ្ងៃក៏បាន បើសិនអ្នកចង់ ដើម្បីក្រេបយកសារធាតុប៉ូតាស្យូម។ បើសិនអ្នកជាមនុស្សមានសុខភាពល្អធម្មតា អ្នកអាចញ៉ាំចេកទៅតាមចំណង់របស់អ្នកបាន ប៉ុន្ដែជាការល្អនោះ គឺ២ផ្លែក្នុងមួយថ្ងៃ គឺសមល្មមហើយ។
ដោយ៖ក្លាំពូ