មុនពេលចូលគេង បើអ្នកបានទទួលទានភេសជ្ជៈខាងក្រោមនេះ នោះអ្នកពិតជានឹងទទួលបាននូវរាងកាយ រឹងមាំ ពង្រឹងដល់ប្រព័ន្ធរំលាយអាហារ ជួយឲ្យស្រកទម្ងន់ និងទទួលបានស្បែកស្អាតជាងវ័យ។
តើភេសជ្ជៈទាំងនោះមានអ្វីខ្លះ?
ទឹកឃ្មុំក្រូចឆ្មារ៖ ក្រៅពីមានប្រសិទ្ធភាពបន្សាបជាតិពុលនិងជួយដល់មុខងារថ្លើមហើយ ភេសជ្ជៈនេះក៏អាចជួយឲ្យស្បែកស្អាត ហើយស្រកទម្ងន់បាន ដោយមានប្រសិទ្ធភាពផងដែរ។ ក្រូចឆ្មារមានវីតាមីនជាច្រើន ខណៈដែលទឹកឃ្មុំវាមានសារធាតុប្រឆាំងអុកស៊ីតកម្ម និងជួយជំរុញដល់ប្រព័ន្ធរំលាយអាហារឲ្យដំណើរការល្អផងដែរ មួយទៀតគឺដុតខ្លាញ់លើស។
ទឹកផ្លែប៉ោម៖ ផ្លែប៉ោមមានផ្ទុកត្រឹម ៧០ ទៅ ៨០ កាឡូរី តែសំបូរទៅដោយជាតិសរសៃ និងមិនមានផ្ទុកនូវខ្លាញ់លើសនោះទេ។ ដូច្នេះការទទួលទានទឹកផ្លែប៉ោមស្រស់មុនចូលគេង គឺត្រូវបានគេរាប់ថា ជាវិធីសម្រកខ្លាញ់បានយ៉ាងមានប្រសិទ្ធភាព។
ទឹកក្រូចថ្លុងនិងខ្ញី៖ លាយទឹកក្រូចថ្លុងជាមួយនឹងចំណិតខ្ញី ធ្វើអោយវាមានទាំងវីតាមីន C សារធាតុរ៉ែសំខាន់ៗ និងសារធាតុបំបាត់ជាតិខ្លាញ់លើស ជួយពង្រឹងដល់ប្រព័ន្ធរំលាយអាហារ ហើយក៏កាត់បន្ថយស្រ្តេសថែមទៀត។
តែខ្ញី៖ តែខ្ញី ក្រៅពីជួយការពារជំងឺផ្តាសាយ ហៀរសំបោរ និងជួយឲ្យគេងលក់ស្រួល ជាងនេះវាក៏គាំទ្រពេញទំហឹងដល់ការស្រកទម្ងន់ផងដែរ ព្រោះវាអាចបន្សុទ្ធនៅការកម្ចាត់ខ្លាញ់លើសចេញពីរាងកាយបានយ៉ាងល្អ៕
