ទោះជាបញ្ហាធុំក្លិនមាត់អាក្រក់មិនបានប៉ះពាល់សុខភាពធ្ងន់ធ្ងរមែនតែវាធ្វើឱ្យយើងខ្មាសគេពេលហាស្តីនិយាយម្តងៗ។ អ្នកខ្លះបានប្រើទឹកថ្នាំខ្ពុរមាត់ហើយ តែនៅតែមិនបាត់ធំក្លិនមាត់ដដែល។ បើអញ្ចឹងអ្នកគួរតែសាកមកប្រើរូបមន្តនេះវិញទៅមើល ដោយធានាថាវានឹងជួយអោយខ្យល់ដង្ហើមស្រស់ស្រាយ។
អ្វីដែលអ្នកត្រូវការមានដូចជា ស្លឹកត្របែកស្រស់៣០សន្លឹក និង អំបិល ២ស្លាបព្រាបាយប៉ុណ្ណោះ។ វិធីធ្វើគឺគ្រាន់តែអ្នកដាក់លាងស្លឹកត្របែកអោយស្អាត បន្ទាប់មកយកវាទៅដាក់ដាំហើយរោយអំបិលចូលប៉ុណ្ណោះ។ សូមដាំវារហូតដល់ពុះរយៈពេល ១០ នាទី ចាំទុកឱ្យត្រជាក់ និងច្រកដាក់ដបរក្សាទុកក្នុងទូរទឹកកក។ សូមខ្ពុរទឹកស្លឹកត្របែកនេះឱ្យបាន ៣ ទៅ ៤ ដងក្នុងមួយថ្ងៃគឺក្រោយអាហារ មុនចូលគេង និងក្រោយពេលភ្ញាក់ពីគេង។
ក្រៅពីរូបមន្តនេះអ្នកគួររក្សាទម្លាប់ដុសសម្អាតធ្មេញរបស់អ្នកឱ្យបានទៀងទាត់ ២ដងក្នុងមួយថ្ងៃ។ ស្របពេលជាមួយគ្នានេះដែរ អ្នកគួរតែផឹកទឹកឱ្យបានគ្រប់គ្រាន់ដើម្បីជួយឱ្យមាត់មានសំណើម កាត់បន្ថយក្លិន៕
