ប្រិយមិត្តមួយចំនួនប្រាកដបានដឹងខ្លះៗពីប្រយោជន៍នៃតែបៃតង ហើយកន្លងទៅថ្មីៗនេះ លទ្ធផលស្រាវជ្រាវពី បានបង្ហាញពីគុណប្រយោជន៍ជាវិជ្ជមានមួយចំនួនទៀត នៃទម្លាប់ញ៉ាំតែបៃតង ប្រហែល៣ដង ឬច្រើនក្នុង១សប្តាហ៍។
ការសិក្សាលើមនុស្សប្រមាណ ជិត១សែននាក់ ក្នុងរយៈពេល៧ឆ្នាំ ដោយតាមដានលើទម្លាប់ញ៉ាំតែជាប្រចាំរបស់អ្នកទាំងនោះ។ ជាលទ្ធផល អ្នកដែលឧស្សាហ៍ញ៉ាំតែបៃតង ជាមធ្យម៣ដងក្នុង១សប្តាហ៍ ឬច្រើនជាងនេះ គឺមានអាយុវែងប្រហែល ១ ទៅ ៤ឆ្នាំ ច្រើនជាង អ្នកមិនដែលញ៉ាំ។
ក្នុងតែបៃតង មានសារធាតុប្រឆាំងអុកស៊ីដកម្ម ដែលជួយកាត់បន្ថយហានិភ័យជំងឺបេះដូង និងជំងឺដាច់សរសៃឈាម ប្រមាណ២៥ភាគរយ។ តែទោះយ៉ាងណា អ្នកវិទ្យាសាស្រ្តបានរកឃើញពីប្រសិទ្ធភាពនោះពីតែបៃតងប៉ុណ្ណោះ ពោលគឺនៅក្នុងការសិក្សាពីចំនួនមនុស្សខាងលើ មាន៨ភាគរយ បានញ៉ាំប្រភេទតែខ្មៅ តែពុំឃើញមានពីប្រសិទ្ធភាពដូចតែបៃតងនោះទេ។
បន្ថែមពីនេះតែបៃតង មានសមាសធាតុគីមីប្រមាណ៥០០ប្រភេទ ក្នុងនោះមានសារធាតុល្អជាច្រើនដូចជា Polyphenols ដែលជួយជួសជុលកោសិកា គ្រប់គ្រងជាតិស្ករក្នុងរាងកាយ ព្រមទាំងមានសារធាតុ ដែលជួយអភិវឌ្ឍកោសិកាប្រសាទ ជួយមុខងារវិនិច្ឆ័យរបស់ខួរក្បាល និងបង្កើនស្មារតីផងដែរ។
យ៉ាងណាមិញ បើទោះជាតែបៃតងពិតជាផ្តល់អត្ថប្រយោជន៍ទាំងនោះមែន ប៉ុន្តែពុំមែនមានន័យថា ទម្លាប់រស់នៅមិនល្អសម្រាប់សុខភាព ហើយអាចរំពឹងពីគុណប្រយោជន៍ពីតែបៃតងមកទូទាត់សងគ្នានោះទេ៕