ប្រិយមិត្តនារីមួយចំនួន តែងតែចំណាយថវិកាច្រើនសន្ធឹកសន្ធាប់ ទៅទិញផលិតផលសំអាងមកទទួលទាន ឬលាប ដើម្បីចង់បានស្បែកស្អាត ភ្លឺថ្លា ជាទីពេញចិត្តចំពោះខ្លួនឯងផង និងទាក់ទាញក្រសែភ្នែកពីអ្នកដទៃផង។
យ៉ាងណាក៏ដោយ វិធីទាំងនោះពិតជាត្រូវចំណាយលុយណាស់។ ប៉ុន្តែ ឥឡូវមិនចាំបាច់ខ្វល់ខ្វាយ ដូចមុនទៀតទេដោយ អ្នកគ្រាន់តែអនុវត្តន៍តាមវិធីខ្លីៗដូចខាងក្រោម អ្នកនឹងបានសម្រស់ស្រស់ស្អាតតាមធម្មជាតិ។
វិធីងាយៗដែលធ្វើអោយអ្នកស្អាតបែបធម្មជាតិនោះមានដូចជា៖
១ ចូរទទួលទានអាហារមានជីវជាតិ និងវីតាមីន A ដូចជា ល្ហុង ការ៉ុត បន្លែបៃតង ដែលជួយដល់ការលូតលាស់របស់ស្បែក។
២ ទទួលទានផ្លែឈើសម្បូរវីតាមីន C ដូចជា ក្រូច និង ត្របែកជាដើម ដែលជួយអោយស្បែកមានពន្លឺ និងរលោងស្អាត។ សារធាតុក្នុងផ្លែឈើប្រភេទនេះ ជួយអោយស្បែកនូវជាតិវីតាមីន និងសំណើមតាមរយៈរ៉ែខនិជ ដែលស្រូបចូលតាមសរសៃឈាម។
៣ កុំភ្លេចទទួលទានផ្លែប៉េងប៉ោះ ដែលមានសារជាតិលីកូពីន ក្នុងការប្រឆាំងអុកស៊ីតកម្ម និងជួយស្បែកពីការបំផ្លាញពីខាងក្នុង។
៤ គ្រាប់ធញ្ញជាតិ ក៏ជាប្រភពនៃវីតាមីន E ដែលជួយអោយស្បែកទន់ល្មើយ និង រលោងស្អាត ដូចនេះហើយអ្នកក៏គួរឧស្សាហ៍ទទួលទានវាផងដែរ។
៥ ញ៉ាំទឹកអោយបានច្រើន ជួយបណ្តេញជាតិពុលពីក្នុងស្បែក ជួយអោយស្បែកភ្លឺមានសំណើម។ ទឹកពិតជាមានប្រយោជន៍ខ្លាំងណាស់ ព្រោះក្រៅពីជាសមាសធាតុដែលរាងកាយត្រូវការហើយ វាជួយដល់សម្រស់របស់យើង និង ជួយព្យាបាលជម្ងឺមួយចំនួនបានថែមទៀត។
ការស្រស់ស្អាតតាមបែបធម្មជាតិពិតជាធ្វើអោយអ្នកមានភាពទាក់ទាញជាងការប្រើផលិតផលគីមី។ ដូចនេះ សូមកុំភ្លេចសាកល្បងវិធីងាយៗខាងលើ ព្រោះក្រៅពីបានភាពស្រស់ស្អាតហើយ អ្នកមិនបារម្ភពីការខូចសុខភាព និង ត្រូវចំនាយថវិការច្រើនឡើយ៕
