ដើម្បីបានស្បែកល្អឥតខ្ចោះអ្នកត្រូវការថែរក្សានិងការយកចិត្តទុកដាក់ច្រើនខ្លាំងណាស់ ដែលអាចចាត់ទុកថា ជាការងារលំបាកមួយ ព្រោះបើមិនដូចនេះទេ ស្បែកនឹងជួបបញ្ហាផ្សេងៗ។ យ៉ាងណាមិញ បញ្ហាជាទូទៅដែល ស្បែកច្រើនជួបប្រទះគឺស្បែកមានជាតិខ្លាញ់ ងាយកើតមុន។ មូលហេតុពិតប្រាកដនៃស្បែកដែលមានជាតិខ្លាញ់អាស្រ័យទៅលើហ្សេន ប៉ុន្តែមានវិធីជាច្រើនដើម្បីដោះស្រាយបញ្ហានេះ។ ការញ៉ាំអាហារត្រឹមត្រូវគឺជាវិធីសាស្ត្រមួយមានប្រសិទ្ធភាពដើម្បីដោះស្រាយបញ្ហាស្បែកឡើងខ្លាញ់ ។ ខាងក្រោម គឺជាអាហារមួយចំនួនដែលអ្នកគួរឧស្សាហ៍ទទួលទាន សម្រាប់ស្បែកខ្លាញ់។
ត្រសក់ ៖ បន្លែនេះមានបរិមាណទឹកអតិបរមា ដើម្បីធ្វើអោយស្បែករបស់អ្នកមានភាពត្រជាក់រួមជាមួយសារធាតុប្រឆាំងអុកស៊ីតកម្ម។
សណ្តែកដី៖ វាមានអាស៊ីតខ្លាញ់អូមេហ្គា 3 ដែលជួយព្យាបាលបញ្ហាស្បែកដែលមានជាតិខ្លាញ់បានយ៉ាងឆាប់រហ័ស។
ក្រូច៖ ផ្លែក្រូចមានវីតាមីន C ក៏ដូចជាសមាសធាតុបន្សាបជាតិពុលដែលអាចបណ្តេញជាតិប្រេងចេញពីស្បែករបស់អ្នក។
បន្លែបៃតង៖ បន្លែបៃតងមិនមានខ្លាញ់ទេ។ ពួកវាសម្បូរទៅដោយជាតិសរសៃដែលអាចសម្អាតប្រេងពីស្បែករបស់អ្នក។
បឺរ៖ រឿងដ៏អស្ចារ្យរបស់ផ្លែបឺរ គឺថាវាមិនត្រឹមតែបរិភោគទេហើយផ្តល់ប្រយោជន៍ប៉ុណ្ណោះទេ ប៉ុន្តែក៏អាចត្រូវយកប្រើដោយផ្ទាល់លើស្បែកដើម្បីការពារការបញ្ចេញប្រេង។ វាដើរតួនាទីជាជាតិសំណើមដ៏មានប្រសិទ្ធិភាពសម្រាប់ស្បែករបស់អ្នក។
សូកូឡាខ្មៅ៖ សូកូឡាខ្មៅមិនត្រឹមតែមានរសជាតិឆ្ងាញ់នោះទេប៉ុន្តែវាល្អក្នុងការ ការការពារការកើតមុនដោយវានឹងត្រួតពិនិត្យការផលិតប្រេងនៃស្បែក និង ប្រឆាំងអុកស៊ីតកម្ម។
សាច់ត្រី៖ សាច់ត្រីក៏ដូចជាសណ្តែកដីដែរគឺវាមាន អាស៊ីតខ្លាញ់អូមេហ្គា 3 ។ ដូច្នេះវាជួយទប់ស្កាត់ការរលាកនិងធ្វើអោយស្បែកមានជាតិខ្លាញ់កាន់តែតិចនិងការពារការកើតមុន។
ទឹកដូង៖ ទឹកដូងធ្វើការជួសជុលស្បែករបស់អ្នកអោយល្អឡើងវិញ។ វាជួយក្នុងការរក្សាស្បែករាបស្អាតនិង ការពារកុំអោយមានការខូចស្បែក។
ចេក៖ ប្រសិនបើអ្នកមានស្បែកដែលមានជាតិខ្លាញ់នោះការញ៉ាំចេកជារៀងរាល់ថ្ងៃអាចមានអត្ថប្រយោជន៍យ៉ាងខ្លាំង។ វាមានផូស្វ័តប៉ូតាស្យូមនិងវីតាមីន E ដែលជួយអោយស្បែកមានពន្លឺ។ ចេកគឺជាភ្នាក់ងារសំអាតដ៏ល្អ។ វាអាចជួយបង្រួមរន្ធញើសនិង ការពារភាពកខ្វក់ពីការចូលទៅក្នុងស្បែករបស់អ្នកដែលបង្កអោយមានជាតិខ្លាញ់កើតឡើង៕
