នៅលើកែងដៃ ក្បាលជង្គង់ ភាគច្រើនគឺរមែងមានស្នាមខ្មៅនៅលើបរិវេណនោះ ហើយអ្នកខ្លះចេះតែទុកចោល មិនសូវចាប់អារម្មណ៍រកដំណោះស្រាយនោះទេ។ ឥឡូវនេះ យើងខ្ញុំនឹងបង្ហាញវិធីសាមញ្ញ ដែលអ្នករាល់គ្នាអាចអនុវត្តបានដោយមិនចំណាយច្រើន ហើយប្រើត្រឹមគ្រឿងផ្សំ ២ មុខប៉ុណ្ណោះ។
អ្វីដែលអ្នកត្រូវការមាន ទឹកដោះគោជូរ១ស្លាបព្រាបាយ និងទឹកខ្មេះកន្លះស្លាបព្រាបាយ។
ការអនុវត្ត៖ លាយទឹកដោះគោជូរ និងទឹកខ្មេះចូលគ្នាឲ្យសព្វ ហើយយកវាមកប៉ាតលាបលើផ្នែកកែងដៃឬជង្គង់ ដែលមានសភាពខ្មៅ រួចទុកវាចោលប្រហែល ២០ នាទី សឹមលាងជម្រះជាមួយទឹកឲ្យបានស្អាត។
បន្ទាប់ពីលាងរួចអ្នកនឹងមានអារម្មណ៍ថាស្បែកនៅទីតាំងដែលយើងលាប មានសភាពទន់និងភ្លឺរលោង។ ចូរអនុវត្តវិធីនេះឲ្យបានញឹកញាប់ នោះអ្នកនឹងឃើញលទ្ធផល៕
