ប្រសិនបើប្រិយមិត្តចង់មានស្បែកស្រស់ស្អាតពីខាងក្នុងប្រកបដោយប្រសិទ្ធភាព គួរសាកល្បងនូវភេសជ្ជៈ៣ប្រភេទនេះ ព្រោះថាសម្បូរដោយសារធាតុចិញ្ចឹម ជួយបំប៉នដល់ស្បែក មិនងាយចាស់។ ភេសជ្ជៈទាំងនេះ មានគុណប្រយោជន៍ជួយដល់សុខភាពស្បែក សម្រកគីឡូ កាត់បន្ថយស្រ្តេស និងធ្វើឲ្យគេងលក់ស្រួល។
ទី១ ផាសិន និងស្វាយ ក្រឡុក។ អ្វីដែលអ្នកត្រូវការមាន ផាសិន ២ផ្លែ ស្វាយទុំ ១ផ្លែ ទឹកដោះគោស្រស់គ្មានជាតិផ្អែម កន្លះកែវ និង ទឹកដោះគោជូគ្មានជាតិផ្អែម ១ប្រអប់។
វិធីធ្វើ៖ ចិតសម្បកផ្លែស្វាយ យកគ្រាប់ចេញហើយកាត់ជាចំណិតតូចៗ។ ផាសិន ពុះចំពាក់កណ្តាល ច្របាច់យកទឹក។ ដាក់ស្វាយ ផាសិន ទឹកដោះគោស្រស់ និងទឹកដោះគោជូចូលក្នុងម៉ាស៊ីនក្រឡុក កិនរួចជាការស្រេច។
ទី២ផាសិន និងចេក ក្រឡុក។ អ្វីដែលអ្នកត្រូវការមាន ផាសិន ២ផ្លែ ចេក ២ផ្លែ ទឹកដោះគោជូ គ្មានជាតិផ្អែម ១ ប្រអប់ ទឹកដោះគោស្រស់ គ្មានជាតិផ្អែម កន្លះកែវ។
វិធីធ្វើ៖ បកសម្បកចេក ហើយកាត់វាជាចំណិតតូចៗ។ ផាសិន ពុះចំពាក់កណ្តាល យកគ្រាប់ចេញរួចច្របាច់យកតែទឹក។ រួចដាក់គ្រឿងផ្សំទាំងអស់ចូលក្នុងម៉ាស៊ីនកិន រួចជាស្រេច។
ទី៣ ផាសិន និងទឹកដោះគោជូ ក្រឡុក។ អ្វីដែលអ្នកត្រូវការមាន ផាសិន ២ផ្លែ ទឹកដោះគោជូ ១ ប្រអប់ ទឹកដោះគោស្រស់ គ្មានជាតិផ្អែម កន្លះកែវ ទឹកឃ្មុំ ២ស្លាបព្រា។
វិធីធ្វើ៖ កាត់ផ្លែផាសិនរួចច្របាច់យកទឹក រួចដាក់ទឹកដោះគោស្រស់ ទឹកដោះគោជូ ទឹកឃ្មុំ ចូលម៉ាស៊ីនកិន រួចជាស្រេច៕