អស់ក្ដីកង្វល់ដោយសារតែអាចម៌រុយកើតលើផ្ទៃមុខទៀតហើយ ដោយគ្រាន់តែអនុវត្តវិធីព្យាបាលដោយខ្លួនឯងតាមបែបធម្មជាតិខាងក្រោមនេះតែប៉ុណ្ណោះ។ វិធីទាំង ៧ យ៉ាងជួយបំបាត់ និងបន្ថយអាចម៌រុយនៅលើផ្ទៃមុខ។
ទឹកក្រូចឆ្មារ៖ ច្របាច់យកទឹកក្រូចឆ្មារ យកមកលាបលើផ្ទៃមុខ ២ ដង ក្នុងមួយថ្ងៃ នឹងទុកចោលរយៈពេល ១ ម៉ោង ទើបលាងចេញ។
សម្បកចេកទុំ៖ យកសម្បកចេកទុំ កោសស្រទាប់ខាង ក្នុងរបស់វា រួចប៉ាតទៅអាចម៍រុយមុនពេលចូលគេង និងទុកចោលមួយយប់ ស្អែកក្រោកពីគេងសឹមលុបមុខលាងចេញ។
ផ្លែត្រប់៖ យកផ្លែត្រប់ចិតជាចំណិតបន្ទះៗបិតលើបរិវេណកើតអាចម៍រុយ ២ ទៅ ៣ នាទី។ បន្ទាប់មកយកបន្ទះផ្លែត្រប់នោះ ជូតថ្នមៗលើបរិវេណអាចម៍រុយជារង្វង់។ អនុវត្តវិធីនេះយ៉ាងហោចណាស់ ១ សប្ដាហ៍។
ទឹកឃ្មុំ៖ យកទឹកឃ្មុំក្នុងបរិមាណសមល្មមទៅលាយជាមួយទឹកធម្មតា ១ ឬ២ស្លាបព្រា។ រួចយកទៅកម្ដៅឱ្យក្ដៅតិចៗ រួចលាបលើបរិវេណមានអាចម៍រុយនៅលើផ្ទៃមុខ។ ទុកចោល ១០ នាទី ទើបលាងសម្អាតជាមួយទឹកត្រជាក់។
ទឹកដោះគោជូរ ឬក្រែម៖ យកក្រែមទឹកដោះគោជូរលាបលើផ្ទៃមុខដែលកើតអាចម៍រុយ ដោយទុកចោល២០នាទី ទើបលាងសម្អាតជាមួយទឹកត្រជាក់។ ដោយឡែកចំពោះវិធីស្រដៀងគ្នានេះដែរ លោកអ្នកអាចយកទឹកដោះគោជូរ ឬក្រែមលាបលើផ្ទៃមុខ ទុកចោល ២ ទៅ ៣ នាទីរហូតដល់ស្ងួត ទើបយកកន្សែងមកជូតវាចេញ រួចលាបក្រែមសំណើម ឬក្រែមបណ្ដឹងស្បែកមុខជំនួសវិញ ដាច់កុំលាងសម្អាតជាមួយនឹងទឹកធម្មតា។
ដំឡូងបារាំង៖ យកទឹកដំឡូងបារាំងស្រស់លាបលើអាចម៍រុយ រួចលាងសម្អាតជាមួយនឹងទឹកធម្មតាចេញ។
ប៉េងប៉ោះ៖ យកទឹកប៉េងប៉ោះស្រស់លាបលើអាចម៍រុយ រួចលាងសម្អាតជាមួយនឹងទឹកធម្មតាចេញ។
ប្រិយមិត្តអាចជ្រើសរើសវិធីណាមួយមកអនុវត្តក៏បានបើគិតថាស្រួលសម្រាប់ខ្លួន។ ជាមួយគ្នានេះដែរ វិធីខាងលើ មិនត្រឹមតែជួយបំបាត់បញ្ហាអាចម៌រុយនោះទេ ថែមទាំងជំនួយដល់ស្បែកថែមទៀតផង។ តែយ៉ាងណាមិញ ចំពោះអ្នកដែលមានបញ្ហាប្រតិកម្មទៅលើរូបមន្តខាងលើ មិនគួរសាកល្បងធ្វើឡើយ ផ្ទុយទៅវិញ គួរតែរកអ្នកឯកទេសសើស្បែកប្រឹក្សាយោបល់ទើបជាដំណោះស្រាយល្អ៕